काठमाडौं। यस वर्ष उड्डयन क्षेत्रमा उत्कृष्टताको एक दशक मनाउँदै हिमालय एअरलाइन्स्ले अगस्ट ३०, २०२५ मा प्रधानमन्त्री केपी शर्मा ओलीको जनवादी गणतन्त्र चीनको तिआन्जिनको औपचारिक भ्रमणको लागि विशेष कूटनीतिक उडान सञ्चालन गरेको छ।
उक्त उडानमा प्रधानमन्त्रीसँगै उनकी धर्मपत्नी राधिका शाक्यका साथै शिक्षा, विज्ञान तथा प्रविधि मन्त्री रघुजी पन्त, संस्कृति, पर्यटन तथानागरिक उड्डयनमन्त्री बद्रीप्रसाद पाण्डे, आर्थिक तथा विकास सल्लाहकार युवराज खतिवडा एवम् विभिन्न उच्च पदस्थ सरकारी अधिकारीसहितको प्रतिनिधिमण्डल रहेका थिए। प्रतिनिधि मण्डल सेप्टेम्बर ३, २०२५ मा हिमालयको एयरबस ३२०–२१४ मा बेइजिङ्गबाट नेपाल फर्कने कार्यक्रम रहेको छ।
हिमालय एअरलाइन्स्का अध्यक्ष झो एन्योंगले प्रधानमन्त्रीसहित विशिष्ट प्रतिनिधिहरूलाई स्वागत गरेका थिए। उक्त अवसरमा हिमालय एअरलाइन्स्का उपाध्यक्ष (प्रशासन) विजय श्रेष्ठ पनि प्रधानमन्त्री र भ्रमण टोलीलाई बिदाई गर्न त्रिभुवन अन्तर्राष्ट्रिय विमानस्थल पुगेका थिए।
उक्त उडानपछि श्रेष्ठले भने, “सरकार प्रमुखको औपचारिक भ्रमण विशेष उडान सञ्चालन गर्नु हिमालयए अरलाइन्स्को लागि वास्तवमै ठूलो गौरवको कुरा हो। अन्तर्राष्ट्रिय हवाई सेवा उपलब्ध गराउँदै आएको एक दशकपार गरेको खुसीको अवसरमा नेपाल सरकारबाट प्राप्त सद्भाव, संरक्षकत्वतथा सहयोगका लागि विशेष आभार ब्यक्त गर्दछौँ। हिमालय एअरलाइन्स्ले आगामी वर्षहरूमा यो विश्वासलाई कायम राख्दै राष्ट्रको सेवा गर्ने प्रतिबद्धता व्यक्त गर्दछ।”
एयरबस ३१९–११५, ९ एन एजेके वायुयान त्रिभुवन अन्तर्राष्ट्रिय विमानस्थलबाट उडेको थियो। नेपालको पहिलो र एकमात्र आईओएसए प्रमाणित एअरलाइन्स्को रूपमा हिमालयए अरलाइन्स् सुरक्षित उडान, सञ्चालन उत्कृष्टता र विश्वस्तरीय सेवाप्रति प्रतिबद्ध छ। विगत १० वर्षमा, हिमालयले नेपाललाई विश्वसँग जोड्ने एक विश्वसनीय एअरलाइन्स्को रूपमा आफ्नो प्रतिष्ठालाई सगौरव कायम राखेको छ।
