कालीगण्डकी करिडोर अवरुद्ध

पूर्वाधार

गृहपृष्ठ
पूर्वाधार

कालीगण्डकी करिडोर अवरुद्ध

क्यापिटल नेपाल बिहीबार, भदौ २६, २०८२

गुल्मी। बुधबार रातीदेखि परेको अविरल वर्षाका कारण पहिरो जाँदा कालीगण्डकी करिडोर अवरुद्ध बनेको छ।

कालीगण्डकी करिडोर सडकको गुल्मी खण्डअन्तर्गत कालीगण्डकी गाउँपालिका–२ स्थित राक्सेमा सडक माथिबाट पहिरो खसेपछि गए रातीदेखि उक्त सडक पूर्ण रुपमा अवरुद्ध बनेको हो।

सडक अवरुद्धको जानकारी पाएपछि प्रहरी चौकी पूर्तिघाटबाट प्रहरीलाई बिहानै सडक सुचारुका लागि पहिरो गएको स्थानमा खटाइसकिएको छ।

अहिले पनि उक्त क्षेत्रमा लगातार वर्षा भइरहेका कारण सडकमा थुप्रिएको पहिरो पन्छाउन समस्या परेको जिल्ला प्रहरी कार्यालय गुल्मीका सूचना अधिकारी गंगाबहादुर सारुले जानकारी दिए।

सडक अवरुद्ध बनेपछि त्यस क्षेत्रबाट पर्वत, बागलुङ एवं रिडी हुँदै पाल्पा र बुटवलसम्म आउजाउ गर्ने सवारीसाधन सञ्चालनमा आउन सकेका छैनन्।

वर्षा रोकिनासाथ सडक सुचारु गर्न स्थानीय निर्माण कम्पनी कालिका कन्स्ट्रक्सनले पहिरो पन्छाउने उपकरण तयारी अवस्थामा राखेको सूचना अधिकारी सारुले बताए। पहिरोका कारण उक्त सडक पटक– पटक अवरुद्ध हुने गर्दछ।–रासस

प्रकाशित मिति: बिहीबार, भदौ २६, २०८२ ०९:२७

प्रतिक्रिया दिनुहोस्