नेपालमा नयाँ अन्तरिम सरकार गठनः भारत र बेलायतद्वारा स्वागत

राजनीति

गृहपृष्ठ
राजनीति

नेपालमा नयाँ अन्तरिम सरकार गठनः भारत र बेलायतद्वारा स्वागत

क्यापिटल नेपाल शनिबार, भदौ २८, २०८२

काठमाडौं। नेपालमा नयाँ अन्तरिम सरकार गठनको छिमेकी भारत र बेलायत सरकारले स्वागत गरेका छन्।

पूर्वप्रधानन्यायाधीश सुशिला कार्कीले शुक्रबार अन्तरिम प्रधानमन्त्रीको जिम्मेवारी सम्हालेलगत्तै भारतीय विदेश मन्त्रालयले विज्ञप्तिमार्फत स्वागत गरेको हो।

विज्ञप्तिमा भनिएको छ, ‘हामी सुशीला कार्कीको नेतृत्वमा नेपालमा नयाँ अन्तरिम सरकार गठनको स्वागत गर्दछौं। हामीलाई आशा छ कि यसले शान्ति र स्थिरतालाई प्रवर्द्धन गर्न मद्दत गर्नेछ।’

भारतले नजिकको छिमेकी, लोकतान्त्रिक मित्र र दीर्घकालीन विकास साझेदारको रूपमा दुई देश र जनतको कल्याण र समृद्धिका लागि नेपालसँग मिलेर निरन्तर काम गरिरहने जनाएको छ।

नयाँ अन्तरिम सरकार गठन महत्त्वपूर्णः बेलायत
बेलायतले नेपालमा गत साताको घटनाक्रमपछि सुशीला कार्की प्रधानमन्त्री पदमा नियुक्त भएको विषय महत्त्वपूर्ण कदम भनी उल्लेख गरेको छ।

पूर्वप्रधानन्यायाधीश कार्कीले शुक्रबार अन्तरिम प्रधानमन्त्रीको जिम्मेवारी सम्हालेलगत्तै काठमाडौंस्थित बेलायती दूतावासले सामाजिक सञ्जाल फेसबुकमार्फत सो प्रतिक्रिया दिएको हो।

बेलायतले सबैभन्दा पुरानो मित्रको रूपमा आगामी चुनौतीलाई स्वीकार गर्दै जवाफदेहिता र समावेशी शासनका लागि नेपाली आकांक्षालाई समर्थन गर्ने जनाएको छ।

प्रकाशित मिति: शनिबार, भदौ २८, २०८२ ०६:२१

प्रतिक्रिया दिनुहोस्