प्रधानमन्त्री कार्कीलाई भारतीय समकक्षी माेदीकाे टेलिफोनः नेपालमा शान्ति र स्थायित्वका लागि दृढ समर्थन

राजनीति

गृहपृष्ठ
राजनीति

प्रधानमन्त्री कार्कीलाई भारतीय समकक्षी माेदीकाे टेलिफोनः नेपालमा शान्ति र स्थायित्वका लागि दृढ समर्थन

क्यापिटल नेपाल बिहीबार, असोज २, २०८२

काठमाडाैं। भारतीय प्रधानमन्त्री नरेन्द्रदामाेदर माेदीले नेपालका अन्तरिम समकक्षी सुशीला कार्कीलाई टेलिफोनमार्फत हालैकाे घटनाप्रति हार्दिक संवेदना प्रकट गरेका छन्।

हालै नेपालमा भएको दुःखद घटनामा ज्यान गुमाएका नागरिकप्रति शोक व्यक्त गर्दै उनले नेपालमा शान्ति र स्थायित्व पुनःस्थापना गर्ने कार्कीको प्रयासमा भारतको दृढ समर्थन रहने स्पष्ट पारेका छन्।

मोदीले टेलिफोन संवादका क्रममा भने, “नेपालमा शान्ति र स्थिरता ल्याउन प्रधानमन्त्री कार्कीले गरिरहेको प्रयासमा भारत सधैं साथमा रहनेछ।’

प्रधानमन्त्री मोदीले भोलि मनाइने नेपालको राष्ट्रिय दिवस अवसरमा प्रधानमन्त्री कार्की र सम्पूर्ण नेपाली जनताप्रति हार्दिक शुभकामना पनि दिएका छन्।

मोदीले नेपाल–भारतबीचको ऐतिहासिक मित्रता अझ सुदृढ हुने विश्वास व्यक्त गर्दै दुवै देशबीचको सम्बन्धलाई अझ प्रगाढ बनाउन भारत प्रतिबद्ध रहेको पनि दोहोर्याए।

प्रकाशित मिति: बिहीबार, असोज २, २०८२ १३:०८

प्रतिक्रिया दिनुहोस्