राजस्व सचिवको पद खारेज, अर्थ मन्त्रालयमा एक मात्र सचिव

अर्थतन्त्र

गृहपृष्ठ
अर्थतन्त्र

राजस्व सचिवको पद खारेज, अर्थ मन्त्रालयमा एक मात्र सचिव

क्यापिटल नेपाल बिहीबार, असोज ९, २०८२

काठमाडौं। दुई सचिव रहने प्रचलनलाई अन्त्य गर्दै सरकारले अर्थ मन्त्रालयमा अबदेखि एकै सचिव राख्ने निर्णय गरेको छ। तत्कालका लागि अर्थसचिव घनश्याम उपाध्याय एक्लैले मन्त्रालय सञ्चालन गर्ने भएका छन्।

अर्थमन्त्री रामेश्वर खनालको प्रस्तावमा मंगलबार बसेको मन्त्रिपरिषद् बैठकले राजस्व सचिव दिनेश घिमिरेसहित चार जना सचिवको सरुवा गरेको हो। घिमिरेलाई राजस्व सचिवबाट सरुवा गरी प्राकृतिक स्रोत तथा वित्त आयोगको सचिव बनाइएको छ।

यसअघि अर्थ मन्त्रालयमा राजस्व सचिव अलग्गै राख्ने अभ्यास थियो। तर, ‘अर्को सचिव आवश्यक छैन’ भन्दै कटौती गर्ने प्रस्ताव मन्त्रिपरिषद्ले स्वीकार गरेको हो।

यसैगरी महालेखा नियन्त्रकको जिम्मेवारीमा सचिव शोभाकान्त पौडेललाई कायम राखिएको छ भने वित्तीय संघीयता महाशाखा प्रमुख महेश बराललाई तालिम केन्द्रमा सरुवा गरिएको छ ।

प्रकाशित मिति: बिहीबार, असोज ९, २०८२ १६:५८

प्रतिक्रिया दिनुहोस्