विपिन जोशीसहितका बन्धक रिहाइ गर्न अतिवादी समूह हमास तयार

अन्तर्राष्ट्रिय

गृहपृष्ठ
अन्तर्राष्ट्रिय

विपिन जोशीसहितका बन्धक रिहाइ गर्न अतिवादी समूह हमास तयार

क्यापिटल नेपाल शनिबार, असोज १८, २०८२

काठमाडौं। प्यालेस्टिनी अतिवादी समूह हमास अन्ततः विपिन जोशीसहितका बाँकी बन्धक रिहाइ गर्न सहमत भएको छ।

अमेरिकी राष्ट्रपति डोनाल्ड ट्रम्पले समयसीमा दिएको केही समयपछि हमासले बन्धक रिहाइमा सहमति जनाएको अन्तर्राष्ट्रिय सञ्चार माध्यमले जनाएका हुन्।

हमासले गाजाका लागि अमेरिकी शान्ति योजनाका धेरै प्रमुख बुँदामा छलफल गर्न चाहेको बताएको छ।

हमासले बन्धकलाई रिहा गर्ने घोषणा गरेपछि ट्रम्पले ट्रुथ सोसलमा लेखेका छन्, ‘हमासले जारी गरेको विज्ञप्तिको आधारमा मलाई विश्वास छ कि तिनीहरू दिगो शान्तिका लागि तयार छन्। इजरायलले गाजामा तुरुन्तै बमबारी बन्द गर्नुपर्छ ताकि हामी बन्धकलाई सुरक्षित र छिटो बाहिर निकाल्न सकौं।’

केही दिनअघि अमेरिका भ्रमणमा गएका इजरायली प्रधानमन्त्री बेन्जामिन नेतान्याहुले राष्ट्रपति ट्रम्पसँग शान्ति योजनामा सम्झौता गरेका थिए। शान्ति योजनाका बुँदा हमास समूहलाई समेत बाँडिएको थियो।

हमासले बन्धक रिहाइ गर्ने भएपछि नेपालका विपिनको अवस्थाबारे पनि जानकारी मिल्नेछ। हमासले विपिनसहित २० बन्धकको फोटो सार्वजनिक गर्दै अन्तिम बिदाइ लेखेको थियो।

प्रकाशित मिति: शनिबार, असोज १८, २०८२ ०७:३८

प्रतिक्रिया दिनुहोस्