देशका पुँजीपतिलाई लखटेर मुलुक समृद्ध हुँदैन– पूर्वउद्याेगमन्त्री महेश बस्नेत

अर्थतन्त्र

गृहपृष्ठ
अर्थतन्त्र

देशका पुँजीपतिलाई लखटेर मुलुक समृद्ध हुँदैन– पूर्वउद्याेगमन्त्री महेश बस्नेत

क्यापिटल नेपाल बुधबार, असोज २२, २०८२

काठमाडौं। पूर्वउद्याेगमन्त्री तथा नेकपा एमालेका नेता महेश बस्नेतले देशभित्र स्थापित पुँजीपतिलाई लखटेर मुलुक समृद्ध नबन्ने बताएका छन्। राजधानीमा आयोजित पत्रकार सम्मेलनमा नेता बस्नेतले मुलुक समृद्ध बन्न पुँजीपतिको संरक्षण गर्नुपर्ने बताए।

जेनजी आन्दोलनका नाममा देशका पुँजीपतिमाथि भएको आक्रमणले मुलुक झन समस्यातर्फ उन्मुख हुने उनको भनाइ छ। व्यवसायी उपेन्द्र महतो, विनोद चौधरी, मीनबहादुर गुरुङजस्ता उद्योगी व्यवसायीलाई भागाभाग बनाएर मुलुक अघि नबढ्ने र समृद्ध मुलुक निर्माण गर्ने परिकल्पना पूरा नहुने उनले बताए।

जेनजी आन्दोलनलाई देखाएर स्वार्थ समूहले देशका उद्योगपतिमाथि आतंक मच्चाएका छन्। लाखौंलाई रोजगारी दिने, राज्यको आम्दानीको मुख्य स्रोत रहेका व्यवसायीमाथि भएको आक्रमणले मुलुक थप आर्थिक संकटतर्फ धकेलिएको उनको भनाइ छ।

प्रकाशित मिति: बुधबार, असोज २२, २०८२ १२:३१

प्रतिक्रिया दिनुहोस्