मन्त्रिपरिषद् विस्तारको तयारीमा प्रधानमन्त्री, जेनजी प्रतिनिधि समेटिने

राजनीति

गृहपृष्ठ
राजनीति

मन्त्रिपरिषद् विस्तारको तयारीमा प्रधानमन्त्री, जेनजी प्रतिनिधि समेटिने

क्यापिटल नेपाल शनिबार, असोज २५, २०८२

काठमाडौं। जेनजी आन्दोलनको सफलतापछि केपी शर्मा ओलीको सरकार ढलेसँगै भदौ २७ मा प्रधानमन्त्री नियुक्त भएर शपथ लिएकी सुशीला कार्कीले तेस्रोपटक मन्त्रिपरिषद् विस्तार गर्ने भएकी छन्।

यसपटकको मन्त्रिपरिषद् विस्तारमा जेनजी प्रतिनिधिलाई विभिन्न मन्त्रालयको जिम्मा दिने गरी मन्त्री नियुक्त गरिन लागेको प्रधानमन्त्री निकटस्थ स्रोतले जनाएको छ। यद्यपि कति जना मन्त्री थपिने हुन्, त्यसबारे अहिलेसम्म संख्या नखुलाइए पनि चार जना जेनजी प्रतिनिधिलाई मन्त्रिपरिषद् विस्तारमा समेटिने बुझिएको छ।

प्रधानमन्त्री कार्यालय निकट स्रोतका अनुसार आगामी सोमबारसम्म शपथ खुवाउने गरी चार नयाँ मन्त्री नियुक्त गरिन लागेको हो। जेनजीहरूको प्रतिनिधित्व गरेर नयाँ मन्त्री हुनेहरूमा गणपतिलाल श्रेष्ठ, बब्लु गुप्ता, रामजी राम र टासी ल्हाजोम रहेका छन्।

श्रेष्ठलाई संस्कृति, पर्यटन तथा नागरिक उड्डयन, गुप्ता युवा तथा खेलकुद मन्त्रालय, रामलाई स्वास्थ्य तथा जनसंख्या मन्त्रालय र टासीलाई महिला, बालबालिका तथा ज्येष्ठ नागरिक मन्त्रालयको जिम्मेवारी दिने तयारी गरिएको बुझिएको छ।

अहिले प्रधानमन्त्रीसहित ८ सदस्यीय मन्त्रिपरिषद् छ।

प्रकाशित मिति: शनिबार, असोज २५, २०८२ ०८:३२

प्रतिक्रिया दिनुहोस्