राहतदेखि पुनःनिर्माणसम्म सरकारको प्राथमिकतामा छ- मन्त्री घिसिङ

राजनीति

गृहपृष्ठ
राजनीति

राहतदेखि पुनःनिर्माणसम्म सरकारको प्राथमिकतामा छ- मन्त्री घिसिङ

क्यापिटल नेपाल शनिबार, असोज २५, २०८२

इलाम। भौतिक योजना तथा यातायात मन्त्री कुलमान घिसिङले सरकारको प्राथमिकतामा राहत र पुनःनिर्माण रहेको बताएका छन्।

शनिबार बाढीपहिरो प्रभावित इलामको स्थलगत निरीक्षणपछि उनले भने, 'सरकार प्रभावित नागरिकसँगै छ, तत्कालीन राहत र दीर्घकालीन पुनर्निर्माणका काम अघि बढाइने छ।'

रोङ गाउँपालिका, सूर्योदय नगरपालिका हुँदै इलाम नगरपालिका १० राजदुवाली पुगेका मन्त्री घिसिङले इलाम, सन्दकपुर, माईजोगमाई र वरपरका बस्तीमा पुगेर स्थानीयवासीसँग क्षति र राहत व्यवस्थाबारे जानकारी लिएका छन्।

उनले राजदुवाली सडक, मिल घुम्तीलगायतका क्षतिग्रस्त सडक र संरचनाको अवस्था अवलोकन गरे। गत असोज १८ गते रातिको भीषण वर्षापछि ठूलो जनधनको क्षति भएकाले सरकारले इलामलाई तीन महिनाका लागि संकटग्रस्त क्षेत्र घोषणा गरेको छ।

बाढी र पहिरोका कारण अहिलेसम्म इलाममा ३९ जनाको मृत्यु भएको छ।

प्रकाशित मिति: शनिबार, असोज २५, २०८२ १८:३६

प्रतिक्रिया दिनुहोस्