गोल्याण ग्रुपद्वारा जेनजी आन्दोलनका शहीद परिवारलाई सहयोगको घोषणा

समाज

गृहपृष्ठ
समाज

गोल्याण ग्रुपद्वारा जेनजी आन्दोलनका शहीद परिवारलाई सहयोगको घोषणा

क्यापिटल नेपाल आइतबार, असोज २६, २०८२

काठमाडाैं। गोल्याण ग्रुपले जेनजी आन्दोलनमा ज्यान गुमाएका युवाहरुको साहसको सम्मान गर्दै प्रभावित शहीद परिवारहरुलाई सहयोग गर्ने घोषणा गरेको छ।

प्रमुख कर्पोरेट अफेयर्स एण्ड कम्युनिकेशन ज्योति गैह्रैले विज्ञप्तिमार्फत ग्रुपले शहीदका दाजुभाइ-दिदीबहिनी र सन्तानको १२ कक्षासम्मको शिक्षा निःशुल्क गर्ने र उनीहरुको क्षमता अनुसार अतिरिक्त क्रियाकलापमा सहयोग गर्ने प्रतिबद्धता जनाएको छ।

त्यस्तै, शहीदका आमा-बुबाका लागि स्वास्थ्य बिमाको प्रबन्ध गरी दीर्घकालीन स्वास्थ्य र सुरक्षा सुनिश्चित गरिने ग्रुपले जनाएको छ। ग्रुपले शहीद परिवारको पीडा कम गर्न नसकिए पनि सहयोग साझा जिम्मेवारीको रूपमा ल्याइएको र उनीहरु अब एक्ला छैनन् भन्ने बलियो सन्देश दिन खोजिएको बताएको छ।

ग्रुपले सहयोग लिने परिवारको गोपनियता र मर्यादालाई उच्च प्राथमिकता दिने भएकाले कुनै पनि नाम वा तस्बिर सार्वजनिक नगरिने स्पष्ट पारेको छ। ‘गोल्याण ग्रुप – स्मृतिमा, सम्मानमा, जिम्मेवारीमा!’ भन्ने नाराका साथ ग्रुपले शहीद युवाहरुको परिवर्तनको सपनालाई अगाडि बढाउने नैतिक जिम्मेवारी सबैमा आएको उल्लेख गरेको छ।

प्रकाशित मिति: आइतबार, असोज २६, २०८२ १२:०५

प्रतिक्रिया दिनुहोस्