जेनजीलाई निःशुल्क सेयर नदिइएको भोटेकोसी आयोजनाको दाबी

पूर्वाधार

गृहपृष्ठ
पूर्वाधार

जेनजीलाई निःशुल्क सेयर नदिइएको भोटेकोसी आयोजनाको दाबी

क्यापिटल नेपाल बुधबार, असोज २९, २०८२

काठमाडौं। भोटेकोसी जलविद्युत् आयोजनाले सिन्धुपाल्चोकको भोटेकोसीका स्थानीयको प्रतिनिधित्व गर्ने भोटेकोसी जेनजी पब्लिक इनभेस्टमेन्ट पब्लिक लिमिटेड र भोटेकोसी पावर कम्पनीबीच निःशुल्क सेयर लिनेदिने गरी सहमति भएको भन्ने सञ्चार माध्यममा प्रकाशित समाचार असत्य रहेको जनाएको छ।

भोटेकोसी जेनजी पब्लिक इन्भेस्टमेन्ट पब्लिकले १० प्रतिशत सेयरका लागि आवेदन दिनुअघि जलविद्युत् उत्पादन क्षेत्रका प्रत्यक्ष प्रभावित स्थानीयलाई उपरोक्त पब्लिक लिमिटेड कम्पनीको सेयरधनी बनाइसकेपछि अर्को कम्पनीले प्रतिसेयर बराबर अंकित मूल्य १०० अंकित सेयर १० प्रतिशत मात्र उल्लिखित पब्लिक लिमिटेड कम्पनीलाई बिक्री गर्ने सहमति भएको आयोजनाले स्पष्ट पारेको छ ।

त्यसपछि अर्को कम्पनीले तोकिएको सेयर खरिद गर्न चाहिने ऋण बंैकबाट लिने र त्यसका लागि बीकेपीसीले जमानी मात्रको व्यवस्था मिलाउने सहमति भएको आयोजनाको भनाइ छ।

निर्माण सम्पन्न भइसकेकाले आयोजनाले वार्षिक रुपमा वितरण गर्ने लाभांशबाट १० प्रतिशत सेयरबापत उक्त पब्लिक लिमिटेड कम्पनीले पाउने रकम सोही कम्पनीले लिएको ऋण तथा ब्याज तिर्न उपयोग गर्ने गरी सहमति भएकोले यसलाई निःशुल्क सेयर दिने गरी सहमति भएको भन्ने भ्रममा नपर्न आयोजनाले सबैसँग आग्रह गरेको छ।

प्रकाशित मिति: बुधबार, असोज २९, २०८२ ११:२२