विश्व सहरीकरण दिवस मनाइँदै, सहरी क्षेत्रमै बस्छ विश्वको आधा जनसंख्या

पूर्वाधार

गृहपृष्ठ
पूर्वाधार

विश्व सहरीकरण दिवस मनाइँदै, सहरी क्षेत्रमै बस्छ विश्वको आधा जनसंख्या

क्यापिटल नेपाल शुक्रबार, कात्तिक १४, २०८२

तस्बिरः राष्ट्रसंघीय मानव बस्ती विकास कार्यक्रम

काठमाडौं। सहरको दिगो विकास र सहकार्यको सन्देश प्रवाह गर्दै ‘जनकेन्द्रित स्मार्ट सहर’ नारासहित विश्वका विभिन्न मुलुकमा विश्व सहरीकरण दिवस मनाइँदै छ।

संयुक्त राष्ट्रसंघको आह्वानमा यसै अवसरमा आज कोलम्बियाको राजधानी बोगोटामा विशेष कार्यक्रम हुँदै छ। सन् २०१४ देखि मनाउन सुरु गरिएको दिवसमा प्रत्येक वर्ष फरक सहरमा विश्वस्तरीय विशेष कार्यक्रम आयोजना हुँदै आएका छन्।

दिवस मनाउनुको मुख्य उद्देश्य आवास संकटजस्ता विश्वव्यापी चुनौतीको समाधानका लागि दिगो र समान अवसरयुक्त सहर निर्माणमा विश्वस्तरीय सहकार्यलाई प्रवर्द्धन गर्नु हो।

विश्व तीव्र गतिमा सहरमुखी बन्दै गएको सन्दर्भमा सहरी क्षेत्रको दिगो विकास अपरिहार्य भएको छ। राष्ट्रसंघको अनुसार हाल विश्वको आधाभन्दा बढी जनसंख्या सहरी क्षेत्रमा केन्द्रित छ।

प्रकाशित मिति: शुक्रबार, कात्तिक १४, २०८२ ०७:२०

प्रतिक्रिया दिनुहोस्