बुध्द एयरको काठमाडौं–कोलकाता उडान थप, साताको ४ दिन उडान गर्ने

पर्यटन

गृहपृष्ठ
पर्यटन

बुध्द एयरको काठमाडौं–कोलकाता उडान थप, साताको ४ दिन उडान गर्ने

क्यापिटल नेपाल शुक्रबार, कात्तिक १४, २०८२

काठमाडौं। बुध्द एयरले आउँदो नोभेम्बर १५ देखि काठमाडौं–कोलकोता साताको ४ दिन उडान गर्ने भएको छ। यात्रुको उत्साहजनक सहभागिताबाट हौसिएर बुध्दले उडान थपेको हो। यसअघि साताको तीनदिन मात्र उडान गर्दै आएको थियो।

कम्पनीका कम्युनिकेसन म्यानेजर दीपेन्द्र कर्णले यात्रुको बढ्दो संख्यालाई ध्यानमा राखेर साताको ४ दिन उडान गर्न लागिएको जानकारी दिए। अब आइतबार, मंगलबार, बिहीबार र शनिबार उडान हुनेछ। उडान काठमाडौंबाट बिहान ७ बजे र कोलकाताबाट ९ः३५ बजे हुनेछ।

काठमाडौंबाट कोलकाताको भाडा १४ हजार ४८३ रुपैयाँ र काठमाडौं फर्किंदा १२ हजार ५४० रुपैयाँ रहेको छ। नेपालमा हवाईमा भ्याट लाग्ने भएको कारण कोलकाताबाट टिकट काट्दा सस्तो र काठमाडौंमा महँगो भएको हो। उडान १ घन्टा ३० मिनेटको हुनेछ।

एयर इन्डियाले रोकेपछि हौसिएको बुध्द
यसअघि कोलकाताबाट एयर इन्डियाले काठमाडौंमा सीधा उडान गर्दै आएको थियो। तर, बीचमा यात्रु नभएकोलगायत विभिन्न कारण देखाउँदै उडान रोकेपछि अहिले बुध्दले उडान थालेको छ।

एकलौटी रुपमा उडान गर्न पाएपछि बुध्दले उडान संख्या थपेको हो। बुध्दले कोभिडअघि पनि कोलकाता उडान भरेको थियो।

प्रकाशित मिति: शुक्रबार, कात्तिक १४, २०८२ १२:३८

प्रतिक्रिया दिनुहोस्