भिजिट भिसा खुकुलो, डलर अनिवार्य प्रावधान हट्यो

पर्यटन

गृहपृष्ठ
पर्यटन

भिजिट भिसा खुकुलो, डलर अनिवार्य प्रावधान हट्यो

क्यापिटल नेपाल शुक्रबार, कात्तिक १४, २०८२

काठमाडौं। सरकारले भिजिट भिसा सम्बन्धी प्रावधानहरूलाई खुकुलो बनाएको छ। आज अध्यागमन विभागले पत्रकार सम्मेलन गर्दै गृहमन्त्रीस्तरीय निर्णयबाट यसअघिका विभिन्न प्रावधानहरू हटाई सहज बनाइएको जनाएको छ।

नयाँ व्यवस्था अनुसार भिजिट भिसामार्फत विदेश जान चाहने व्यक्तिसँग अब कम्तीमा ६ महिनाको वैध अवधि भएको राहदानी (पासपोर्ट), सम्बन्धित देशको प्रवेशाज्ञा (भिजा) वा अनअराइभल भिसा प्राप्त हुने मुलुक भए प्रवेशाज्ञा नचाहिने र प्रस्थान गर्ने गन्तव्यसम्मको हवाई टिकट भए पुग्नेछ।

विभागका अनुसार अबदेखि प्रस्थान गर्ने व्यक्तिले भ्रमणको प्रयोजनका लागि जान लागेको, त्यसका लागि आवश्यक कागजात साथमा रहेको र यसबाट सिर्जित परिणाममा स्वयं जिम्मेवार रहने बेहोरा प्रस्थान गर्ने बेलामा स्वघोषणा गर्नुपर्नेछ।

यसअघि भिजिट भिसामार्फत विदेश जानेका हकमा न्यूनतम ५ सय अमेरिकी डलर, दुईतर्फी हवाई टिकट, अग्रिम होटल बुकिङ वा स्पोन्सरको प्रमाण अनिवार्य गरिएको थियो। विभागले अबदेखि ती सबै प्रावधानहरू हटाइएको जानकारी दिएको छ।

प्रकाशित मिति: शुक्रबार, कात्तिक १४, २०८२ १४:१८

प्रतिक्रिया दिनुहोस्