पेट्रोलको मूल्य स्थिर, डिजेल प्रति लिटर १ रुपैयाँले घट्यो

अर्थतन्त्र

गृहपृष्ठ
अर्थतन्त्र

पेट्रोलको मूल्य स्थिर, डिजेल प्रति लिटर १ रुपैयाँले घट्यो

क्यापिटल नेपाल शुक्रबार, कात्तिक १४, २०८२

काठमाडौं। नेपाल आयल निगमले डिजेलको मूल्य घटाएको छ भने पेट्रोलको मूल्य यथावत् राखेको छ। निगमले शुक्रबार विज्ञप्ति जारी गर्दै इन्डियन आयल कर्पोरेशन (आईओसी) बाट प्राप्त नयाँ खरिद मूल्य अनुसार मूल्य समायोजन गरिएको जानकारी दिएको हो।

आईओसीबाट प्राप्त नयाँ मूल्य सूचीमा प्रति लिटर पेट्रोलमा रु. ०.०३ र हवाई इन्धनमा रु. ०.८६ ले बढेर तथा डिजेलमा रु. १.१९ ले घटेर आएको निगमले जनाएको छ।

तर, निगम सञ्चालक समितिको शुक्रबारको निर्णयानुसार पेट्रोलको मूल्यमा कुनै परिवर्तन नगरी स्थिर राखिएको छ। शनिबारदेखि लागू हुने गरी डिजेल र मट्टितेलको खुद्राबिक्री मूल्यमा भने प्रति लिटर रु. १ ले घटाइएको छ। यस्तै, हवाई इन्धन आन्तरिकतर्फ प्रति लिटर रु. १ ले बढाइएको छ भने अन्तर्राष्ट्रियतर्फ काठमाडौंको लागि प्रति किलोलिटर अमेरिकी डलर ७ ले बढाइएको छ।

प्रकाशित मिति: शुक्रबार, कात्तिक १४, २०८२ २०:२९

प्रतिक्रिया दिनुहोस्