जेनजी आन्दोलनबीच अक्टोबरमा एक लाख २८ हजार विदेशी आए नेपाल

पर्यटन

गृहपृष्ठ
पर्यटन

जेनजी आन्दोलनबीच अक्टोबरमा एक लाख २८ हजार विदेशी आए नेपाल

क्यापिटल नेपाल आइतबार, कात्तिक १६, २०८२

काठमाडौं। भ्रष्टचार अन्त्यसहितको माग राख्दै गरेको जेनजनी आन्दोलनको कारण मुलुक अस्तव्यस्त बनिरहँदा विदेशी पर्यटकहरुको आगमनमा भने उत्साह छाइरहेको छ।

आन्दोलनको कारण धेरै पर्यटकहरु नआउने आंकलन गरिरहेको बेला अक्टोबर महिनामा मात्र एक लाख २८ हजार ४४३ जना विदेशी पर्यटकहरु नेपाल आएका हुन्।

नेपाल पर्यटन बोर्डले सार्वजनिक गरेको तथ्यांकअनुसार सबैभन्दा बढी भारतबाट १६ हजार २९८, अमेरिकाबाट १३ हजार २८६, युकेबाट ६ हजार ७५५, चीनबाट ६ हजार ३६६, जर्मनीबाट ६ हजार १७७, अस्ट्रेलियाबाट ५ हजार ५३५, श्रीलंकाबाट ५ हजार ४५ जना र फ्रान्सबाट ४ हजार ६४१ जना रहेका छन्।

बोर्डको तथ्यांकअनुसार सन् २०२५ को ९ महिनामा ९ लाख ४३ हजार ७१६ जना विदेशी पर्यटकहरु नेपाल भित्रिएका छन्। अक्टोबरदेखि नोभेम्बरसम्मका लागि पर्यटकीय सिजनको रुपमा लिइन्छ। यो बेला विदेशीहरु हिमाली क्षेत्रमा पदयात्राका लागि र विभिन्न हिमालहरु आरोहणका लागि आउने गरेका छन्।

प्रकाशित मिति: आइतबार, कात्तिक १६, २०८२ १८:१४

प्रतिक्रिया दिनुहोस्