मष्टा समूह सञ्चालकविरुद्ध मुद्दा दायर, २ अर्ब साढे ७ करोडको बिगो दाबी

अर्थतन्त्र

गृहपृष्ठ
अर्थतन्त्र

मष्टा समूह सञ्चालकविरुद्ध मुद्दा दायर, २ अर्ब साढे ७ करोडको बिगो दाबी

क्यापिटल नेपाल मंगलबार, कात्तिक १८, २०८२

काठमाडौं। सम्पत्ति शुद्धीकरण विभागले मष्टा ग्रुपका सञ्चालक जीवन चलाउनेविरुद्ध मुद्दा दायर गरेको छ। विभागले जिल्ला अदालत काठमाडौँमा सो कम्पनीका सञ्चालकविरुद्ध मुद्दा दायर गरेको हो।

चलाउनेले २ अर्ब ७ करोड ६२ लाख १३ हजार ५१६ बराबरको सम्पत्ति शुद्धीकरण गरेको अनुसन्धानमा देखिएको विभागले जनाएको छ।

अभियोगमा खरिदको कुल मूल्यसमेत गर्दा हुन आउने १ अर्ब ४५ करोड ५४ लाख ३ हजार ९४८ तथा अवैध तरिकाले आयात गरेको सुन ६० किलो ७१६ ग्रामको तत्कालीन मूल्य प्रतितोला १ लाख १२ हजार ५०० का दरले हुन आउने ५८ करोड ५६ लाख ९ हजार ५६८ बराबर रहेको छ।

विभागले चलाउनेको नाममा हिमालयन बैंकमा रहेको खातामा ३ करोड ५२ लाख गरी कुल २ अर्ब ७ करोड ६२ लाख १३ हजार ५१६ बराबरको बिगो दाबी गर्दै मुद्दा दायर गरेको हो।

प्रकाशित मिति: मंगलबार, कात्तिक १८, २०८२ ०६:२४

प्रतिक्रिया दिनुहोस्