स्ट्यान्डर्ड चार्टर्ड बैंकको नाफा ६९ करोड २१ लाख, सञ्चालन मुनाफा १९.६८ प्रतिशतले घट्यो

बैंकिङ

गृहपृष्ठ
बैंकिङ

स्ट्यान्डर्ड चार्टर्ड बैंकको नाफा ६९ करोड २१ लाख, सञ्चालन मुनाफा १९.६८ प्रतिशतले घट्यो

क्यापिटल नेपाल शुक्रबार, कात्तिक २१, २०८२

काठमाडौं। स्ट्यान्डर्ड चार्टर्ड बैंकले चालू आर्थिक वर्षको प्रथम त्रैमासिक अपरिष्कृत वित्तीय विवरण सार्वजनिक गरेको छ। विवरणअनुसार बैंकले समीक्षा अवधिमा ६९ करोड २१ लाख रुपैयाँ नाफा आर्जन गरेको छ।

बैंकले गत आवको सोही अवधिमा ८६ करोड २२ लाख रुपैयाँ नाफा कमाएको थियो। बैंकको नाफा १९.७२ प्रतिशले घटेको हो। बैकको खुद ब्याज आम्दानी गत आवको तुलनामा ८.३६ प्रतिशतले घटेर १ अर्ब ७ करोड २४ लाख रुपैयाँ पुगेको छ।

यस्तै, बैंकको सञ्चालन नाफा १९.६८ प्रतिशतले घटेर ९८ करोड ९३ लाख पुगेको छ। १० अर्ब ४ करोड २३ लाख रुपैयाँ चुक्ता पुँजी रहेको बैंकले १ खर्ब २९ अर्ब ६२ करोड ७२ लाख रुपैयाँ निक्षेप संकलन गरेको छ। सोही अवधिमा बैंकले ७० अर्ब ११ करोड ७९ लाख रुपैयाँ कर्जा लगानी गरेको वित्तीय विवरणमा उल्लेख छ।

समीक्षा अवधिमा बैंकको वितरणयोग्य नाफा २ अर्ब ४१ करोड १० लाख रुपैयाँ रहेको छ। बैंकको लाभांश क्षमता ३६.४० रुपैयाँ रहेको छ।

असोजसम्म बैंकको खराब कर्जा १.७१ प्रतिशत छ। गत आवको सोही अवधिमा यस्तो कर्जा १.९५ प्रतिशत थियो।बैंकको प्रतिसेयर आम्दानी २७.५७ रुपैयाँ, प्रतिसेयर नेटवर्थ ६१३ रुपैयाँ रहेको वित्तीय विवरणमा उल्लेख छ।

प्रकाशित मिति: शुक्रबार, कात्तिक २१, २०८२ ०८:४५

प्रतिक्रिया दिनुहोस्