बागमतीमा पुँजीगत खर्च निराशाजनक, चार महिनामा ७.२७ प्रतिशत मात्रै खर्च

अर्थतन्त्र

गृहपृष्ठ
अर्थतन्त्र

बागमतीमा पुँजीगत खर्च निराशाजनक, चार महिनामा ७.२७ प्रतिशत मात्रै खर्च

क्यापिटल नेपाल बुधबार, मंसिर ३, २०८२

काठमाडौं। बागमती प्रदेशको पुँजीगत खर्चमा निराशाजनक देखिएको छ। चालू आर्थिक वर्षको पहिलो चार महिनामा कुल बजेटको ७.२७ प्रतिशत मात्र खर्च भएको हो।

चालू आवका लागि प्रदेश सरकारले ६७ अर्ब ४७ करोड ७३ लाख २७ हजारको बजेट ल्याएकामा चार महिनामा कुल बजेटको ७.२७ प्रतिशत अर्थात् चार अर्ब ९० करोड ३५ लाख ८६ हजार खर्च भएको आर्थिक मामिला तथा योजना मन्त्रालयका सूचना अधिकारी सुरज पौडेलले जानकारी दिए।

विनियोजित बजेटमध्ये सबैभन्दा बढी प्रदेशसभा सचिवालयले २७ प्रतिशत, प्रदेश लोकसेवा आयोगले २० दशमलव ९२ प्रतिशत, मुख्य न्यायाधिवक्ताको कार्यालयले १८ प्रतिशत, प्रदेश नीति तथा योजना आयोगले १६ दशमलव ९१ प्रतिशत, श्रम, रोजगार तथा यातायात मन्त्रालयले १६ दशमलव ६३ प्रतिशत र स्वास्थ्य मन्त्रालयले १६ दशमलव ३७ प्रतिशत बजेट खर्च गरेका छन् भने सबैभन्दा कम संस्कृति तथा पर्यटन मन्त्रालयले एक दशमलव १४ प्रतिशत बजेट खर्च गरेको छ।

प्रकाशित मिति: बुधबार, मंसिर ३, २०८२ ११:०५

प्रतिक्रिया दिनुहोस्