प्रधानमन्त्रीद्वारा राष्ट्रिय सुरक्षा परिषद् बैठक आह्वान

राजनीति

गृहपृष्ठ
राजनीति

प्रधानमन्त्रीद्वारा राष्ट्रिय सुरक्षा परिषद् बैठक आह्वान

क्यापिटल नेपाल बिहीबार, मंसिर ४, २०८२

काठमाडाैं। प्रधानमन्त्री सुशीला कार्कीले राष्ट्रिय सुरक्षा परिषद्को बैठक बोलाएकी छन्। देशको समग्र शान्ति सुरक्षा तथा बाराको सिमरामा उत्पन्न तनावपूर्ण परिस्थितिका विषयमा छलफल गर्न बैठक बोलाएकी हुन्।

उक्त बैठक आज दिउँसो साढे २ बजे सिंहदरबारस्थित सुरक्षा परिषद्को सचिवालयमा बस्ने तयारी छ। बाराको सिमरामा बुधबार एमाले नेताहरू जाने कार्यक्रमलाई लिएर जेनजी युवाहरु विरोधमा उत्रिएपछि विमानस्थलमा तोडफोड तथा सडकमा आगजनी गर्दा स्थिति तनावग्रस्त बनेको थियो।

यसअघि हिजो साँझ पनि गृह मन्त्रालयमा सुरक्षा परिषद्को बैठक बसेको थियो। सिमरामा बुधबार साँझ ८ बजेसम्म कर्फ्यू लगाइएको थियो भने आज पनि अवस्था तनावग्रस्त बनेपछि पुनः कर्फ्यू लगाइएको छ।

प्रकाशित मिति: बिहीबार, मंसिर ४, २०८२ १४:२९

प्रतिक्रिया दिनुहोस्