अब लाइसेन्स विवरण जानकारी फेसबुकबाटै

पूर्वाधार

गृहपृष्ठ
पूर्वाधार

अब लाइसेन्स विवरण जानकारी फेसबुकबाटै

क्यापिटल नेपाल शुक्रबार, मंसिर ५, २०८२

काठमाडौं। यातायात व्यवस्था विभागले छपाइ गरी वितरणका लागि तयार भएका सवारी चालक अनुमतिपत्र (लाइसेन्स)को विवरण अब फेसबुकमा राख्ने भएको छ।

विभागले बिहीबार सूचना जारी गरी सुरक्षण मुद्रण केन्द्रबाट छपाइ सम्पन्न भई वितरणका लागि विभागमा प्राप्त भएका अनुमतिपत्रको विवरण विभागको फेसबुक पेज ‘हेल्लो यातायात व्यवस्था विभाग’मा प्रकाशन गरिने जानकारी गराएको हो।

विभागले जारी गरेको सूचनामा भनिएको छ, ‘सवारी चालक अनुमतिपत्र छपाइका लागि अनलाइन फारम भरी ‘एप्रुभ’ भएपछि ७२ घन्टाभित्र लाइसेन्स लिन आउनुहोला भन्ने जानकारी यसअघि प्रणाली ध्वस्त हुनुअघि आउने गरेको थियो।

अब सुरक्षण मुद्रण केन्द्रबाट छपाइ सम्पन्न भई वितरणका लागि विभागमा प्राप्त भएका अनुमतिपत्रको विवरण विभागको फेसबुक पेज ‘हेल्लो यातायात व्यवस्था विभाग’मा प्रकाशन गरिनेछ।’

यसअघि यस्ता लाइसेन्सको जानकारी प्रणालीमार्फत ७२ घन्टाभित्र लाइसेन्स लिन आउनुहोला भनेर सन्देश पठाउने गरिएको थियो। तर, जेनजी आन्दोलनमा उक्त प्रणाली ध्वस्त भएको थियो।

फेसबुक पेजमा विवरणसहितको नाम समावेश भएको अवस्थामा आवेदन सक्कल राजस्व रसिद र पुरानो सवारी चालक अनुमतिपत्र लिई उपस्थित हुन पनि विभागले अनुरोध गरेको छ।

प्रकाशित मिति: शुक्रबार, मंसिर ५, २०८२ ०७:०५

प्रतिक्रिया दिनुहोस्