मध्य चमेलिया जलविद्युतको साधारणसभा, आईपीओ निष्कासन प्रस्ताव पारित

पूर्वाधार

गृहपृष्ठ
पूर्वाधार

मध्य चमेलिया जलविद्युतको साधारणसभा, आईपीओ निष्कासन प्रस्ताव पारित

क्यापिटल नेपाल शनिबार, मंसिर १३, २०८२

काठमाडौं। दार्चुला पावर लिमिटेडको वार्षिक साधारणसभा सम्पन्न भएको छ। साधारणसभाले आर्थिक वर्ष २०८१/८२ का वित्तीय विवरणदेखि प्रारम्भिक सार्वजनिक निष्कासन जारी गर्ने निर्णयसम्मका सबै सामान्य तथा विशेष प्रस्ताव सर्वसम्मत पारित गरेको कम्पनीले जनाएको छ।

मध्य चमेलिया अपि पावरको सहायक कम्पनी हो। हाल दार्चुलामा २८.३०४ मेगावाट क्षमताको मध्य चमेलिया जलविद्युत् आयोजना निर्माण गरिरहेको छ। करिब ५६६ करोड रुपैयाँ लागत अनुमानको यो आयोजना तीव्र गतिमा अगाडि बढिरहेको कम्पनीले बताएको छ।

साधारणसभामा सञ्चालक समितिका अध्यक्षले प्रस्तुत गरेको आर्थिक वर्ष २०८१÷८२ को वार्षिक प्रतिवेदन विस्तृत छलफलपछि सर्वसम्मतिले पारित भएको छ। दार्चुला पावरले साधारण सेयरको प्रारम्भिक सार्वजनिक निष्कासन जारी गर्ने प्रस्ताव साधारणसभाले पारित गरेको छ।

यसका लागि कम्पनीले मुक्तिनाथ क्यापिटलसँग सम्झौता गरी आइपिओ निष्काशन प्रक्रियालाई अगाडि बढाइसकेको प्रबन्ध निर्देशक शास्वत चालिसेले बताए।

आईपीओअघि कम्पनीको अधिकृत पुँजी तथा जारी पुँजी वृद्धि गर्ने र त्यहीअनुसार प्रबन्धपत्र तथा नियमावलीमा आवश्यक संशोधन गर्ने प्रस्ताव पनि अनुमादन गरेको कम्पनी सञ्चालक सञ्जीव न्यौपानेले जानकारी दिए।

प्रकाशित मिति: शनिबार, मंसिर १३, २०८२ ११:४६

प्रतिक्रिया दिनुहोस्