लघुवित्तलाई नियामकीय सहुलियतः कर्जा सीमा शतप्रतिशतले वृद्धि, १५ लाख पुग्यो

बैंकिङ

गृहपृष्ठ
बैंकिङ

लघुवित्तलाई नियामकीय सहुलियतः कर्जा सीमा शतप्रतिशतले वृद्धि, १५ लाख पुग्यो

क्यापिटल नेपाल सोमबार, मंसिर १५, २०८२

काठमाडौं। नेपाल राष्ट्र बैंकले लघुवित्त वित्तीय संस्थाको कर्जा प्रवाहमा नियामकीय सहुलियत दिँदै धितोमा आधारित कर्जाको अधिकतम सीमा शतप्रतिशतभन्दा बढीले वृद्धि गरेको छ। केन्द्रीय बैंकले चालु वर्षको मौद्रिकम नीतिमा पहिलो त्रैमासिक समीक्षा गर्दै उक्त व्यवस्था गरेको हो।

मौद्रिक नीति पहिलो त्रैमासिक समीक्षामा भनिएको छ। ‘लघुवित्त वित्तीय संस्थाबाट धितोमा प्रवाह गरिनेकर्जाको अधिकतम सीमा ७ लाखबाट वृद्धि गरी १५ लाख कायम गरिनेछ।’

यसले विपन्न वर्गमाझ वित्तीय पहुँच विस्तार गर्न तथा उनीहरूको उद्यमशीलतालाई प्रोत्साहन गर्न महत्त्वपूर्ण टेवा पुग्ने अपेक्षा गरिएको छ। साथै, बैंकहरुमा थुप्रिएर बसेको अधिक तरलता समस्या समाधानमा समेत सहयोग हुने देखिन्छ।

यसअघि विगत दुई वर्षदेखि कर्जा उपभोग गरी असल वर्गमा परेका ऋणीको हकमा मात्र १५ लाखसम्म धितो कर्जा प्रवाह गर्न सकिने व्यवस्था थियो। तर, लघुवित्त क्षेत्रमा देखिएको समस्याका कारण राष्ट्र बैंकले कर्जा सिमा घटाउको थियो।

यो वृद्धिसँगै अब लघुवित्त संस्थाहरूले आफ्ना ग्राहकहरूलाई साना तथा मझौला व्यवसाय सञ्चालन गर्न थप ठूलो रकम प्रदान गर्न सक्नेछन्। यसले ग्रामीण क्षेत्रमा कृषि, पशुपालन, र अन्य लघु उद्यमको विकासलाई गति दिनुका साथै गरिबी निवारणमा समेत सहयोग पुग्ने विश्वास लिइएको छ।

प्रकाशित मिति: सोमबार, मंसिर १५, २०८२ ११:१७

प्रतिक्रिया दिनुहोस्