भारतीय वायुसेवा इन्डिगोद्वारा १२०० उडान रद्द, हजारौं यात्रु अलपत्र

पर्यटन

गृहपृष्ठ
पर्यटन

भारतीय वायुसेवा इन्डिगोद्वारा १२०० उडान रद्द, हजारौं यात्रु अलपत्र

क्यापिटल नेपाल शुक्रबार, मंसिर १९, २०८२

काठमाडौं। भारतको सबैभन्दा ठूलो विमान कम्पनी इन्डिगोले देशभर १२०० बढी उडान रद्द गरेपछि हजारौं यात्रु अलपत्र पर्नुका साथै भारतीय विमानस्थल अस्तव्यस्त बनेका छन्।

इन्डिगोले उडान रद्दको कारण प्राविधिक त्रुटि, प्रतिकूल मौसमी अवस्था र कामदारका लागि नयाँ नियमलगायतलाई अप्रत्याशित भन्दै प्रष्टीकरण दिएको भारतीय सञ्चारमाध्यमले उल्लेख गरेका छन्।

इन्डिगोले अकस्मात यति धेरै उडान रद्द गरेपछि भारतको उड्डयन निगरानी निकायले अनुसन्धानको आदेश दिएको छ भने आउँदो सोमबारसम्म अवरोध हटाएर उडान पूर्ववत् सञ्चालन गर्न निर्देशन गरेको छ।

उडान अवरुद्धपछि बिहीबार हजारौँ यात्रु तथा तिनका आफन्तले सामाजिक सञ्जालमार्फत प्रतिक्रिया सार्वजनिक गर्दै एक्समा आठ घन्टासम्म ढिलाइ हुँदासमेत ‘कुनै कर्मचारी’ सहयोगका लागि नआएको र विमानस्थलको अवस्था ‘पूर्ण अस्तव्यस्त’ बनेको बताए ।

इन्डिगोका १२३२ उडान रद्द गरिएको कम्पनीले जनाएको छ। तर, कति विमानको उडानमा ढिलाइ भयो भन्नेबारे कुनै संख्या स्पष्ट छैन। इन्डिगोले आफ्ना ग्राहकलाई वैकल्पिक यात्रा व्यवस्था र टिकट रकम फिर्ता लिन आग्रह गरेको छ।

गत साता एयरबसले विश्वभर ६ हजार विमानको तत्काल अपग्रेडका लागि अलर्ट जारी गरेपछि इन्डिगोका २०० विमान प्रभावित भएका थिए।-एजेन्सी

प्रकाशित मिति: शुक्रबार, मंसिर १९, २०८२ ०८:१९

प्रतिक्रिया दिनुहोस्