वाइडबडी विमान खरिदमा भ्रष्टाचार आरोपी सुगतरत्न कंसाकारले दिए सर्वोच्चमा पुनरावेदन

समाज

गृहपृष्ठ
समाज

वाइडबडी विमान खरिदमा भ्रष्टाचार आरोपी सुगतरत्न कंसाकारले दिए सर्वोच्चमा पुनरावेदन

क्यापिटल नेपाल सोमबार, मंसिर २२, २०८२

काठमाडौं। वाइडबडी विमान खरिद प्रकरणमा भ्रष्टाचार आरोप लागेका तत्कालीन नेपाल वायुसेवा निगमको महाप्रबन्धक सुगतरत्न कंसाकारले अख्तियार दुरुपयोग अनुसन्धान आयोग र विशेष अदालतको निर्णयविरुद्ध सर्वोच्च अदालतमा पुनरावेदन दर्ता गराएका छन्।

कंसाकारले सर्वोच्चमा पेस गरेको पुनरावेदनमा प्रमाण लुकाउने, अभियोजनको उद्देश्य विपरीत प्रमाणको गलत विश्लेषण गर्ने बरु कृत्रिम ढंगबाट प्रमाण सृजना गरी अख्तियारबाट मुद्दा दायर भएकोमा विशेष अदालतले पनि गम्भीर र समुचित व्याख्या विश्लेषण नगरी फैसला गरेको दाबी गरिएको छ।

उनले आफूलगायत अन्य प्रतिवादीलाई सफाइ दिलाएर अख्तियार विशेषबाट भएको निर्णय बदर गरी न्याय पाउनुपर्ने पुनरावेदनको पत्रमा उल्लेख गरेका छन्।

उनका अनुसार गत १७ वर्षको अवधिमा निगमको कार्यकारी प्रमुख हुँदा दुईपल्ट टेन्डर गरी विदेशी पर्यटक संख्या बढाउन राष्ट्रिय ध्वजावाहकले अन्तर्राष्ट्रिय सेवा विस्तार गर्न अनिवार्य रूपमा चाहिने जेट विमान खरिद गर्न खोज्दा विभिन्न निकायबाट अवरोध सृजना गरी निगम कर्मचारीलाई विमान खरिद गर्न निरुत्साहित तुल्याउन खोज्दा सम्मानित सर्वोच्च अदालतबाट दुईपल्ट निगमलाई न्याय दिएको स्मरण गराएका छन्।। सोहीअनुसार यसपालि पनि सर्वोच्चले न्याय पाउने अपेक्षा रहेको उनको भनाइ छ।

प्रकाशित मिति: सोमबार, मंसिर २२, २०८२ ०८:००

प्रतिक्रिया दिनुहोस्