ज्योति विकास बैंकका कर्मचारीमाथिको घटनाप्रति डेभलपमेण्ट बैंकर्स एशोसिएसन नेपालको आपत्ति

बैंकिङ

गृहपृष्ठ
बैंकिङ

ज्योति विकास बैंकका कर्मचारीमाथिको घटनाप्रति डेभलपमेण्ट बैंकर्स एशोसिएसन नेपालको आपत्ति

क्यापिटल नेपाल सोमबार, मंसिर २९, २०८२

काठमाडौं। ज्योति विकास बैंक लिमिटेडको कर्मचारीहरूमाथि भएको आपराधिक घटनाप्रति
डेभलपमेण्ट बैंकर्स एशोसिएसन नेपालले आपत्ति जनाएको छ।

एशोसिएसनको सदस्य बैंक ज्योति विकास बैंकको रुपनी शाखाका ऋणी सप्तकोशी इन्टिग्रेटेड एग्रो फर्मका सञ्चालक ऋणीहरुले कर्जाको किस्ता नियमित गर्ने सम्बन्धमा परामर्श गर्न जाँदा बैंकका कर्मचारीमाथि अमानवीय व्यबहार भको थियो।

संचालकहरु तथा निजका सहयोगीहरुले आफ्नो नियन्त्रणमा लिई नियोजित रूपमा दुर्व्यवहार गर्दै आक्रमण गरेको गम्भीर आपराधिक घटनाप्रति एशोसिएसनले सम्बन्धित निकायको ध्यानाकर्षण गराएको हो।

'कर्जा असुली गर्नु बैंकको जिम्मेवारी हो र बैंक तथा वित्तीय संस्थाको सबैभन्दा महत्वपूर्ण उद्देश्य भनेको निक्षेपकर्ताको बचत सुरक्षित गर्नु हो। सम्पूर्ण बचतकर्ताको जिम्मेवारी लिएको बैंक तथा बैंकका कर्मचारीहरूले बचतको सुरक्षा सुनिश्चित गर्ने तथा नियमित असुली प्रक्रिया अपनाउने क्रममा यस प्रकारको अमानवीय व्यवहार भोग्नुपरेको अवस्था सम्पूर्ण बैंक तथा वित्तीय संस्था साथै ग्राहक वर्गका लागि गम्भीर चिन्ताको विषय हो। यस प्रकारको घटनाले बैंकिङ्ग सेवा प्रयोग गर्न निरुत्साहित गर्नुका साथै बैंक तथा वित्तीय संस्थाहरूलाई नियामक निकाय तथा ऐन कानूनले प्रदान गरेका अधिकार प्रयोग गर्नसमेत बाधा पुयाई चुनौती दिएको छ,' पत्रमा भनिएको छ।