कतारमा भ्रष्टाचारविरुद्धको सम्मेलन, अवैध सम्पत्ति आर्जनलाई अपराध घोषणा गरेको नेपालको दाबी

राजनीति

गृहपृष्ठ
राजनीति

कतारमा भ्रष्टाचारविरुद्धको सम्मेलन, अवैध सम्पत्ति आर्जनलाई अपराध घोषणा गरेको नेपालको दाबी

क्यापिटल नेपाल बुधबार, पुस २, २०८२

काठमाडौं। नेपालले भ्रष्टाचारविरुद्ध शून्य सहनशीलताको कठोर नीति अवलम्बन गरेको तथा कानुनी, प्रशासनिक एवं संस्थागत सुधारलाई तदारुकताका साथ कार्यान्वयन गरिरहेको स्पष्ट गरेको छ। वित्तीय कारबाही कार्यदल (एफएटिएफ)को कार्ययोजनाअन्तर्गतका दायित्व पूरा गर्ने चरणमा नेपाल रहेको जनाएको छ।

कतारको राजधानी दोहामा जारी संयुक्त राष्ट्रसंघीय भ्रष्टाचारविरुद्धको महासन्धि पक्षराष्ट्रको ११औं सम्मेलनमा नेपालले उक्त जानकारी दिएको हो।

सम्मेलनमा भाग लिँदै नेपाली प्रतिनिधिमण्डलका नेता प्रधानमन्त्री तथा मन्त्रिपरिषद् कार्यालय सचिव गोविन्दबहादुर कार्कीले सुशासन प्रवर्द्धन र भ्रष्टाचार नियन्त्रणको उद्देश्यसहित नेपालमा अन्तरिम सरकार गठन भएको जानकारी दिँदै सुशासन प्रवर्द्धनमा वर्तमान सरकार पूर्ण प्रतिबद्ध रहेको बताए।

दोहास्थित नेपाली दूतावासका अनुसार संयुक्त राष्ट्रसंघीय भ्रष्टाचारविरुद्धको महासन्धिप्रति नेपालको प्रतिबद्धता दोहोर्याउँदै सचिव कार्कीले पदको दुरुपयोग, घुसखोरी, सम्पत्ति शुद्धीकरण, अवैध सम्पत्ति आर्जनलाई अपराधका रूपमा घोषणा गरी तिनलाई नियन्त्रण गर्न सरकारले थालेका प्रयासबारे जानकारी दिए।

प्रकाशित मिति: बुधबार, पुस २, २०८२ ०७:५३

प्रतिक्रिया दिनुहोस्