पुनरकर्जा कोष अब १ खर्बको हुने

मुख्य समाचार

गृहपृष्ठ
मुख्य समाचार

पुनरकर्जा कोष अब १ खर्बको हुने

क्यापिटल नेपाल बिहीबार, वैशाख १८, २०७७

काठमाडौं । पुनरकर्जा कोषलाई दोब्बर बनाएर १ खर्ब रुपैयाँको पुर्याइने भएको छ । मन्त्रिपरिषदको बैठकले विद्यमान पुनरकर्जा कोषको आकारलाई ४० अर्ब थप गरेर १ खर्ब रुपैयाँ बनाउने निर्णय गरेको हो ।

नेपाल राष्ट्र बैंकले गत चैतमा पुनरकर्जा कोषमा १० अर्ब थपेर ६० अर्ब रुपैयाँ पुर्याएको थियो। मन्त्रिपरिषल बैठकले पुनरकर्जा कोषको ब्याजदर घटाउन केन्द्रीय बैंकलाई भनेको छ । घरेलु तथा साना उद्योगलाई आवश्यक चालुपुँजी कर्जा उपलब्ध गराउन केन्द्रीय बैंकलाई निर्देशन दिएको छ ।

कोरोना भाइरसको महामारीले उद्योग, व्यवसाय, सेवा, पर्यटनलगायत सबै क्षेत्रमा ठुलो प्रभाव परेकाले पुरनरकर्जा कोषको आकार बढाएको हो ।निजी क्षेत्रले पुनरकर्जा कोषमा थोरै रकम भएको बताउँदै आर्थिक क्षेत्रको पुनरुथान गर्न न्युनतम १ खर्ब रुपैयाँको हुनुपर्ने बताउँदै आएका छन ।

पुनरकर्जाको ब्याज धेरै सस्तो हुन्छ । यस्तो कर्जाको अवधि बढीमा १ वर्ष हुने गरेको छ । केन्द्रीय बैंकले बैंक तथा वित्तीय संस्थाबाट उद्योग व्यवसायलाई यस्तो कर्जा प्रवाह हुँदै आएको छ ।चालु आर्थिक वर्षको हालसम्म ३५ अर्ब १ करोड ६२ लाख रुपैयाँ पुनरकर्जा प्रवाह गरेको केन्द्रीय बैंकले जनाएका छ ।

जसमध्ये प्राथमिकताप्राप्त क्षेत्रतर्फ प्रवाहित असल कर्जाको धितोमा साधारण पुनरकर्जा ३१ अर्ब ५४ करोड, निर्यात पुनरकर्जा १ अर्ब ५४ करोड र भूकम्प पीडितलाई प्रदान गरिएको पुनरकर्जा १ अर्ब ९२ करोड प्रवाह भएको छ ।