यातायात कार्यालयबाट १२ करोड बढी राजस्व संकलन

अर्थतन्त्र

गृहपृष्ठ
अर्थतन्त्र

यातायात कार्यालयबाट १२ करोड बढी राजस्व संकलन

क्यापिटल नेपाल मंगलबार, पुस १५, २०८२

सुर्खेत। भौतिक पूर्वाधार तथा सहरी विकास मन्त्रालयअन्तर्गतको यातायात व्यवस्था कार्यालय एवं सेवा कार्यालयबाट १२ करोड बढी राजस्व संकलन भएको छ।

कर्णाली प्रदेशका तीन ठाउँमा रहेका यातायात व्यवस्था कार्यालयबाट चालु आर्थिक वर्षको पाँच महिनामा १२ करोड ५७ लाख ७० हजार ६५९ राजस्व संकलन भएको मन्त्रालयका सिनियर डिभिजन इन्जिनियर रमेश सुवेदीले जानकारी दिए।

यातायात क्षेत्रको आम्दानी, चालक अनुमति पत्र, सवारी दर्ता किताबसम्बन्धी दस्तुर, सवारीसाधन कर, प्रशासनिक दण्ड जरिवाना र जफत बापतको रकम संकलन गरिएको हो।

यातायात कार्यालय सुर्खेतबाट ११ करोड नौ लाख २० हजार ७३९ संकलन भएको छ। जुम्लाबाट ६५ लाख ४२ हजार ३१९ संकलन भएको जनाइएको छ। त्यसैगरी चौरजहारीस्थित कार्यालयबाट ८३ लाख सात हजार ६०१ संकलन भएको प्रवक्ता सुवेदीले जानकारी दिए। प्रदेश सरकारले तीन ठाउँबाट संकलन गरेको राजस्व हरेक महिना सार्वजनिक गर्दै आएको छ।

प्रकाशित मिति: मंगलबार, पुस १५, २०८२ १६:४५

प्रतिक्रिया दिनुहोस्