नेपालले अमेरिकाबाट पाउने कर छुट सुविधा अन्त्य, अबदेखि नेपाली वस्तुमा २६ प्रतिशत कर

अर्थतन्त्र

गृहपृष्ठ
अर्थतन्त्र

नेपालले अमेरिकाबाट पाउने कर छुट सुविधा अन्त्य, अबदेखि नेपाली वस्तुमा २६ प्रतिशत कर

क्यापिटल नेपाल बिहीबार, पुस १७, २०८२

काठमाडौं। २०७२ भूकम्पछि अमेरिकाले नेपाली उत्पादनलाई बजार पहुँच दिन उपलब्ध गराउँदै आएको कर छुट सुविधाको सम्झौता आजदेखि अन्त्य भएको छ। नेपालले अमेरिकामा ७७ वस्तु निर्यात गर्दा कर छुट सुविधा पाउँदै आएको थियो।

कर छुट सुविधा अन्त्यसँगै अबदेखि अमेरिकामा नेपाली वस्तु निर्यात गर्दा २६ प्रतिशतसम्म कर तिर्नुपर्नेछ। अमेरिकाले सन् २०१५ देखि अमेरिकाले नेपालका विभिन्न वस्तु आयातमा कर छुट सुविधा दिँदै आएको थियो।

नेपालले कर छुट सुविधाअन्तर्गत पस्मिना सल, मफलर, टोपीलगायत ४८ वस्तु अमेरिकामा निर्यात हुँदै आएको नेपाल निर्यात परिषद्का निवर्तमान अध्यक्ष रमेश बहादुर पोखरेलले जानकारी दिए।

यसअघि निर्यातकर्ता व्यवसायीले छुट सुविधा निरन्तरताका लागि पहल गरिदिन उद्योग, वाणिज्य तथा आपूर्ति मन्त्रालयसँग मागपत्र बुझाएका थिए।

प्रकाशित मिति: बिहीबार, पुस १७, २०८२ १४:११

प्रतिक्रिया दिनुहोस्