बाह्य आर्थिक स्थिति सुधारः शोधनान्तर ४ खर्ब २१ अर्ब बचत, विदेशी मुद्रा सञ्चिति पौने २७ खर्ब नाघ्यो

बैंकिङ

गृहपृष्ठ
बैंकिङ

बाह्य आर्थिक स्थिति सुधारः शोधनान्तर ४ खर्ब २१ अर्ब बचत, विदेशी मुद्रा सञ्चिति पौने २७ खर्ब नाघ्यो

क्यापिटल नेपाल शुक्रबार, पुस २५, २०८२

काठमाडौं। नेपालको बाह्य आर्थिक सूचकांकमा निकै उत्साहजनक सुधार देखिएको छ। नेपाल राष्ट्र बैंकले सार्वजनिक गरेको चालु आर्थिक वर्षको पाँच महिनाको वित्तीय प्रतिवेदनअनुसार शोधनान्तर स्थिति र विदेशी मुद्रा सञ्चिति दुवैमा ऐतिहासिक वृद्धि देखिएको हो।

समीक्षा अवधिमा मुलुकको शोधनान्तर स्थिति ४ अर्ब २१ अर्ब ८९ करोडले बचतमा रहेको छ। अघिल्लो वर्षको सोही अवधिमा यस्तो बचत २ खर्ब २५ अर्ब ३४ करोड मात्र रहेको थियो। अमेरिकी डलरमा हेर्दा शोधनान्तर बचत २ अर्ब ९८ करोड डलर पुगेको छ। यसैगरी, चालु खाता समेत ३ खर्ब ५८ अर्ब ८३ करोड रुपैयाँले बचतमा देखिएको छ, जुन अघिल्लो वर्षको सोही अवधिको १ खर्ब ५८ अर्बको तुलनामा दोब्बरभन्दा बढी हो। पुँजीगत तर्फ खुद पुँजीगत ट्रान्सफर ७ अर्ब ६ करोड र प्रत्यक्ष वैदेशिक लगानी (इक्विटी मात्र) ७ अर्ब ४७ करोड पुगेको छ।

मुलुकको कुल विदेशी विनिमय सञ्चितिमा समेत १९.६ प्रतिशतको छलाङ देखिएको छ। २०८२ असार मसान्तमा २६ खर्ब ७७ अर्ब ६८ करोड रुपैयाँ रहेको कुल सञ्चिति २०८२ मंसिर मसान्तमा ३२ खर्ब १ अर्ब ४७ करोड पुगेको छ। अमेरिकी डलरमा यो सञ्चिति १३.५ प्रतिशतले वृद्धि भई २२ अर्ब १३ करोड डलर कायम भएको छ।

कुल सञ्चितिमध्ये राष्ट्र बैंकमा २८ खर्ब ६६ अर्ब ४७ करोड रुपैयाँ र अन्य बैंक तथा वित्तीय संस्थाहरूमा ३ खर्ब ३५ अर्ब रुपैयाँ रहेको छ। कुल सञ्चितिमा भारतीय मुद्राको अंश २२.२ प्रतिशत रहेको राष्ट्र बैंकको तथ्यांकले देखाउँछ। यस्तो तथ्यांकले नेपालको बाह्य क्षेत्र निकै मजबुत रहेको र मुलुकसँग पर्याप्त मात्रामा आयात धान्न सक्ने क्षमता रहेको पुष्टि गर्दछ।

प्रकाशित मिति: शुक्रबार, पुस २५, २०८२ १५:००