प्रभु बैंकको वार्षिक साधारण सभाबाट के-के भए निर्णय?

बैंकिङ

गृहपृष्ठ
बैंकिङ

प्रभु बैंकको वार्षिक साधारण सभाबाट के-के भए निर्णय?

क्यापिटल नेपाल बुधबार, पुस ३०, २०८२

काठमाडौं। प्रभु बैंक लिमिटेडको २४औँ वार्षिक साधारण सभा सम्पन्न भएको छ। बैंकको सञ्चालक समितिका अध्यक्ष किशोरजङ्ग कार्कीको अध्यक्षतामा बबरमहलस्थित प्रधान कार्र्यालयमा बसेको साधारण सभाले सञ्चालक समितिको प्रतिवेदनसहित गत आर्थिक वर्षको वासलात, नाफा नोक्सान हिसाब र नगद प्रवाह विवरणलगायत अनुसूची पारित गरेको छ।

बैंकको साधारण सभाले बैंकको सहायक कम्पनी प्रभु क्यापिटल लिमिटेडको र प्रभु स्टक मार्केट लि.को गत आ.व.को एकीकृत वित्तीय विवरण पनि पारित गरेको छ। वार्षिक साधारण सभामा छलफल तथा निर्णयार्थ प्रस्तुत सबै प्रस्तावहरु सर्वसम्मत्बाट पारित भएका छन्।

प्रभु बैंकले देशभर ६८ वटा एक्स्टेन्सन काउण्टर कार्यालय, २६९ वटा एटिएम तथा ३१२ वटा शाखा कार्यालयसहित देशभर फैलिएको आफ्नो बैंकिङ्ग सञ्जालको माध्यमबाट ३७ लाखभन्दा बढी ग्राहकलाई प्रत्यक्ष अत्याधुनिक प्रविधिसहितको गुणस्तरीय बैंकिङ्ग सेवा प्रवाह गरिरहेको छ।

प्रकाशित मिति: बुधबार, पुस ३०, २०८२ १८:३६

प्रतिक्रिया दिनुहोस्