प्रभु बैंकको वितरणयोग्य मुनाफा सवा ३ अर्ब नाघ्यो, एनपीएल बढ्यो

बैंकिङ

गृहपृष्ठ
बैंकिङ

प्रभु बैंकको वितरणयोग्य मुनाफा सवा ३ अर्ब नाघ्यो, एनपीएल बढ्यो

क्यापिटल नेपाल बुधबार, माघ १४, २०८२

काठमाडौं। प्रभु बैंकले चालू आर्थिक वर्षको दोस्रो त्रैमासिक अपरिस्कृत वित्तीय विवरण प्रकाशित गरेको छ। विवरणअनुसार बैंकले पुससम्म १ अर्ब १ करोड ४४ लाख रुपैयाँ खुद नाफा कमाएको छ।

बैंकले सोही अवधिमा यस्तो नाफा १ अर्ब ३३ करोड ६१ लाख रुपैयाँ आर्जन गरेको थियो। चालू आवको सोही अवधिमा यस्तो नाफा २४ प्रतिशतले घटेको हो। नाफा घटे पनि बैंकको खुद ब्याज आम्दानी बढेको छ। गत आवको दोस्रो त्रैमाससम्म ४ अर्ब ८६ करोड ७९ लाख रुपैयाँ खुद ब्याज आम्दानी गरेकामा चालू आवको दोस्रो त्रैमाससम्म ४ अर्ब ९८ करोड ४० लाख रुपैयाँ खुद ब्याज आम्दानी गरेको वित्तीय विवरणमा उल्लेख छ।

बैंकको कुल सञ्चालन आम्दानी बढेको छ। बैंकले गत आव पुससम्म ६ अर्ब ६६ करोड ७५ लाख रुपैयाँ कुल सञ्चालन आम्दानी गरेकामा चालू आवको सोही अवधिमा यस्तो आम्दानी ६ अर्ब ६९ करोड ६४ लाख रुपैयाँ पुगेको छ। बैंकको सञ्चालन नाफा २ अर्ब ५२ करोड २८ लाखबाट घटेर १ अर्ब ९६ करोड ८३ लाख रुपैयाँमा खुम्चिएको छ।

बैंकको प्रतिसेयर आम्दानीमा पनि गिरावट देखिएको छ। गत आव पुससम्म बैंकको प्रतिसेयर आम्दानी ११.३५ रुपैयाँ रहेकामा चालू आव पुससम्म घटेर ८.६२ रुपैयाँमा झरेको छ। यसै अवधिमा बैंकको निष्क्रिय कर्जा (एनपीएल) भने ५.०६ प्रतिशतबाट बढेर ७.९४ प्रतिशत पुगेको छ। बैंकको प्रतिसेयर नेटवर्थ १४६.१७ रुपैयाँ रहको छ।

चुक्ता पुँजी २३ अर्ब ५४ करोड २४ लाख रुपैयाँ रहेको बैंकको पुससम्म रिजर्भ कोषमा १४ अर्ब २२ करोड ७० लाख सञ्चित छ भने जगेडा कोष ३ अर्ब ३५ करोड ६४ लाख रुपैयाँ ऋणात्मक छ। यस्तै, बैंकले २ खर्ब २७ अर्ब ३२ करोड रुपैयाँ बढी कर्जा प्रवाह र ३ खर्ब ४० अर्ब ७३ करोडा बढी निक्षेप संकलन गरेको छ।

प्रकाशित मिति: बुधबार, माघ १४, २०८२ ०७:४७