बालेन दम्पती चुनावी प्रचारमा, मन्डिखाटार निवासमा चोरी

समाज

गृहपृष्ठ
समाज

बालेन दम्पती चुनावी प्रचारमा, मन्डिखाटार निवासमा चोरी

क्यापिटल नेपाल शनिबार, माघ १७, २०८२

काठमाडौं। रास्वपा वरिष्ठ नेता बालेन्द्र शाह बालेनको राजधानीस्थित मन्डिखाटारमा रहेको घरमा चोरी भएको छ। काठमाडौं महानगरका पूर्वमेयरसमेत रहेका बालेन र पत्नी हाल चुनावी प्रचारका क्रममा उपत्यका बाहिर रहेका बेला घरमा चोरी भएको हो।

शुक्रबार साँझ बालेनका मामा ससुराका छोराले घर पुग्दा चोरी भएको थाहा पाएका थिए। उनले नै घरमा पुगेर नियमित रूपमा घरमा बत्ती बाल्ने, निभाउने र बिरुवामा पानी हाल्न काम गर्दै आएको बताइएको छ। हिजो साँझ घर पुग्दा मूल ढोका फोडिएको र सामान तितरबितर भएको देखेपछि उनले प्रहरीलाई खबर गरेका थिए।

प्रहरीका अनुसार चोरले घरमा जडान गरिएका २–३ वटा सिसीटिभी क्यामेरा, फुटेज रेकर्ड हुने डिभिआर (डीभीआर) मेसिन र बाथरुम तथा भान्साका धाराका टुटीसमेत चोरेर लगेका छन्। अरु सामान पनि चोरी भएको÷नभएको भन्नेबारे थप खुलाइएको छैन।

घटनाको जानकारी पाएलगत्तै उपत्यका अपराध अनुसन्धान कार्यालय, महाराजगञ्ज प्रहरी वृत्त र जिल्ला प्रहरी परिसर काठमाडौंको टोली अनुसन्धानका लागि खटिएको छ।