सरकार कुनै दलको प्रभावमा छैनः प्रधानमन्त्री

राजनीति

गृहपृष्ठ
राजनीति

सरकार कुनै दलको प्रभावमा छैनः प्रधानमन्त्री

क्यापिटल नेपाल सोमबार, माघ १९, २०८२

काठमाडौं। प्रधानमन्त्री सुशीला कार्कीले केही मन्त्रीले पदबाट राजीनामा दिएर निर्वाचनमा भाग लिएकै आधारमा सरकारमाथि कुनै दलको प्रभाव रहेको भन्ने आरोप लगाउनु सही नभएको स्पष्ट गरेकी छन्।

राष्ट्रियसभाको आजको बैठकमा सम्बोधन गर्दै प्रधानमन्त्री कार्कीले सरकार छाडेर चुनावमा जानु कुनै बेइमानी नभएको स्पष्ट गरिन्।

‘त्यसबेला जेनजी समूहको आग्रहमा उहाँहरुलाई मन्त्री बनाइएको हो। जति दिन बस्नुभयो इमानदार रुपमा काम गर्नुभयो। राजीनामा दिएपछि चुनावमा लड्न वा आफ्नो रुचिको क्षेत्रमा जान पाउनुहुन्छ’, प्रधानमन्त्री कार्कीले भनिन्, ‘अन्तरिक सरकारको मन्त्री छाडेर निर्वाचन लड्न गएकै आधारमा सरकारमा राष्ट्रिय स्वतन्त्र पार्टी वा कुनै दलको प्रभाव छ भन्ने यथार्थ होइन। हामी कसैको प्रभावमा छैनौँ। म आफैँ पनि कुनै राजनीतिक व्यक्ति नै होइन, त्यसकारण त्यस्तो टिप्पणीहरुको अर्थ छैन।’

वर्तमान सरकारमा मन्त्री रहेका कुलमान घिसिङ, जगदीश खरेल, महावीर पुन र बब्लु गुप्ताले राजीनामा दिएर निर्वाचनको प्रतिस्पर्धामा उत्रिएका छन्।

प्रकाशित मिति: सोमबार, माघ १९, २०८२ १६:१३