लगातार घटेको सेयर बजारमा सुधार, पाँच कम्पनीको मूल्यमा सर्किट

सेयर

गृहपृष्ठ
सेयर

लगातार घटेको सेयर बजारमा सुधार, पाँच कम्पनीको मूल्यमा सर्किट

क्यापिटल नेपाल बिहीबार, माघ २२, २०८२

काठमाडौं। साताको अन्तिम कारोबार दिन सेयर बजार परिसूचक नेपाल स्टक एक्सचेञ्ज (नेप्से)मा सुधार आएको छ। यसअघिका कारोबारहरूमा घटेको बजार आज २७ अंकले बढेर बन्द भएको हो।

सेयर बजार बढेर बन्द भएसँगै आज २७ सयको विन्दु पार गरेको छ। आज बजार परिसूचक २७०८ अंक विन्दुमा पुगेर बन्द भएको हो। आज कारोबार रकममा समेत भारी वृद्धि भएको छ। अघिल्लो दिन कूल साढे सात अर्बको कारोबार भएको सेयर बजारमा आज ११ अर्ब ५८ करोडको सेयर किनबेच भएको हो।

आज कूल तीन कम्पनीको मूल्यमा सर्किट लागेको छ। जसमा कालिञ्चोक दर्शन लिमिटेड, सुप्पर पावर हाइड्रोपावर लिमिटेड र मोदी इनर्जी लिमिटेडको मूल्यमा सर्किट लागेको हो। यस्तै, रिडी पावर कम्पनी लिमिटेड, खानीखोला हाइड्रोपावर लिमिटेड र गलेम्दी हाइड्रो लिमिटेडको मूल्य ९ प्रतिशतभन्दा बढी बढेको छ।

आज, कूल २०१ कम्पनीको सेयर मूल्यमा वृद्धि हुँदा ५५ कम्पनीको मूल्यमा गिरावट आएको छ। यस्तै, ४ कम्पनीको मूल्य यथावत रहेको छ।