आइएमई लाइफ तीन विधामा सम्मानित

बैंकिङ

गृहपृष्ठ
बैंकिङ

आइएमई लाइफ तीन विधामा सम्मानित

क्यापिटल नेपाल शुक्रबार, माघ २३, २०८२

काठमाडौं। आइएमई लाइफ इन्स्योरेन्सले इन्डियन चेम्बर अफ कमर्सद्वारा आयोजित एसिया इमर्जिङ इन्स्योरेन्स अवार्डसमा तीन विधामा उपाधि हात पारेको छ।

उत्कृष्ट ग्राहकमुखी सेवा, बिमा नेतृत्वमा महिला विधामा उपाधि र बिमामा पहुँच विस्तारका लागि उपाधि प्राप्त गरेको हो।

यसैगरी उत्कृष्ट रणनीति विधामा सानिमा रिलायन्स लाइफ र आइएमई लाइफ इन्स्योरेन्सले संयुक्त रूपमा उपाधि हात पारेका छन्।
यो सम्मानले बिमा जागरुूकता विस्तार गर्ने, आधुनिक, प्रविधि–सञ्चालित सेवा प्रदान गर्ने र बिमा क्षेत्रमा महिला नेतृत्वलाई प्रोत्साहन गर्ने कम्पनीको प्रयासलाई सघाएको छ।

शुक्रबार थाइल्यान्डको राजधानी बैंककमा आयोजित सम्मान कार्यक्रममा सञ्चालक समिति अध्यक्ष डा. रामहरि अर्याल र प्रमुख कार्यकारी अधिकृत पवनकुमार खड्काले संयुक्त रूपमा उपाधि ग्रहण गरेका हुन्।

गत वर्ष पाँचौं संस्करणमा पनि आइएमई लाइफले उत्कृष्ट जीवन बीमक, बिमा नेतृत्वमा महिला र बिमामा पहुँच विस्तारका लागि उत्कृष्ट रणनीति विधासहित तीन विधामा उपाधि हात पारेको थियो।

प्रकाशित मिति: शुक्रबार, माघ २३, २०८२ २१:३६