जय अम्बे स्टील्सले बोलायो साधारणसभा, प्रिमियम मूल्यमा आईपीओ निष्कासन गर्ने

सेयर

गृहपृष्ठ
सेयर

जय अम्बे स्टील्सले बोलायो साधारणसभा, प्रिमियम मूल्यमा आईपीओ निष्कासन गर्ने

क्यापिटल नेपाल शनिबार, माघ २४, २०८२

काठमाडौं। जय अम्बे स्टील्सले फागुन १४ मा तेस्रो वार्षिक साधारणसभा बोलाएको छ। माघ २३ मा बसेको कम्पनी सञ्चालक समिति बैठकले प्रिमियम मूल्यमा आईपीओ निष्कासन निर्णयसहित साधारणसभा आह्वान गरेको हो।

साधारणसभाले प्रिमियम मूल्यमा आईपीओ निष्कासन गर्ने र त्यसका लागि सम्पूर्ण जिम्मेवारी सञ्चालक समितिलाई दिने निर्णय गर्नेछ। गत आर्थिक वर्ष २०८१/८२ को वार्षिक प्रतिवेदन सहितका वित्तीय विवरण पारित गर्नुका साथै चालू आर्थिक वर्षको लागि लेखापरीक्षक नियुक्त र निजको पारिश्रमिक निर्धारणको विषय टुंगाउनेछ।

अम्बे ग्रुपअन्तर्गत सञ्चालित कम्पनीले आधुनिक ढङ्गले स्टील उत्पादन गर्दै आएको छ। उत्पादित स्टील देशको निर्माण क्षेत्र, होटल व्यवसाय, उद्योग तथा पूर्वाधार परियोजनामा बढी प्रयोग हुने गरेको छ।

प्रकाशित मिति: शनिबार, माघ २४, २०८२ ०६:५९