शिखर इन्स्योरेन्सको खुद बिमाशुल्क आर्जन सवा २ अर्ब, प्रतिसेयर आम्दानी ऋणात्मक

बैंकिङ

गृहपृष्ठ
बैंकिङ

शिखर इन्स्योरेन्सको खुद बिमाशुल्क आर्जन सवा २ अर्ब, प्रतिसेयर आम्दानी ऋणात्मक

क्यापिटल नेपाल बिहीबार, माघ २९, २०८२

काठमाडौं। शिखर इन्स्योरेन्सले आर्थिक वर्ष २०८२/८३ को दोस्रो त्रैमासिक अपरिष्कृत वित्तीय विवरण सार्वजनिक गरेको छ।

विवरणअनुसार कम्पनीले चालू आर्थिक वर्षको ६ महिनामा ४ करोड ४७ लाख रुपैयाँ घाटा बेहोरेको छ। अघिल्लो आर्थिक वर्षको सोही अवधिसम्म कम्पनीले २५ करोड ७३ लाख रुपैयाँ नाफा कमाएको थियो। जेनजी आन्दोलन र असोजको बाढीपहिरोका कारण ठूलो राशीको बिमा दाबी परेपछि कम्पनी खुद घाटामा रहेको हो।

विवरणअनुसार कम्पनीले ६ महिने अवधिमा कम्पनी ७८ करोड बढीको व्यवसाय गर्न सफल भएको छ। गत आवको आवको पुससम्म कम्पनीले ६३ करोड ७६ लाख रुपैयाँ खुद बिमाशुल्क आर्जन गरेकामा चालू आवको पुससम्म २२.४१ प्रतिशतले व्यवसाय वृद्धि गरी ७८ करोड ५ लाख रुपैयाँ खुद बिमाशुल्क आर्जन गरेको हो।

समीक्षा अवधिमा कम्पनीको कुल आम्दानी १ अर्ब १६ करोड ३३ लाख रुपैयाँबाट ५.७१ प्रतिशतले बढेर १ अर्ब २२ करोड ९८ लाख नाघेको छ भने कुल खर्च ७९ करोड ७८ लाखबाट ६२.१५ प्रतिशतले बढेर १ अर्ब २९ करोड ९३ लाख पुगेको छ।

समीक्षा अवधिमा कम्पनीको प्रतिसेयर आम्दानी १९.३९ रुपैयाँबाट घटेर ३.०६ रुपैयाँ ऋणात्मक हुन पुगेको छ भने प्रतिसेयर नेटवर्थ १९६.६४ रुपैयाँ रहेको छ।

चुक्ता पुँजी २ अर्ब ९३ करोड रुपैयाँ रहेको कम्पनीको स्पेसल रिजर्भमा १ अर्ब ९१ करोड ७६ लाख, महाविपत्ति कोषमा १६ करोड ११ लाख र जगेडा कोषमा १६ करोड ५७ लाख रुपैयाँ सञ्चित छ। पुस मसान्तसम्म कम्पनीले ४ अर्ब ६६ करोड ९२ लाख रुपैयाँ लगानी गरेको छ।

प्रकाशित मिति: बिहीबार, माघ २९, २०८२ ०९:५०