बीमा प्राधिकरणको प्रवक्तामा निर्देशक ढुङ्गेल नियुक्त

समाज

गृहपृष्ठ
समाज

बीमा प्राधिकरणको प्रवक्तामा निर्देशक ढुङ्गेल नियुक्त

क्यापिटल नेपाल सोमबार, फागुन ११, २०८२

काठमाडौं। नेपाल बीमा प्राधिकरणको प्रवक्तामा निर्देशक पूजन ढुङ्गेल अधिकारी नियुक्त भएकी छिन्। प्राधिकरणको फागुन ५ गतेको निर्णय अनुसार निर्देशक ढुङ्गेललाई प्रवक्ताको जिम्मेवारी दिने निर्णय गरिएको थियो।

प्राधिकरणको अनुसन्धान महाशाखाको प्रमुखको जिम्मेवारी सम्हाल्दै आएकी निर्देशक ढुङ्गेललाई प्रवक्ताको समेत जिम्मेवारी दिइएको प्राधिकरणले जनाएको छ।

सुशासन व्यवस्थापन तथा सञ्चालन ऐन, २०६४ मा भएको व्यवस्था अनुसार उनलाई प्रवक्ताको जिम्मेवारी तोकिएको प्राधिकरणका निर्देशक कुन्दन सापकोटाले जानकारी दिए।

प्राधिकरणको प्रवक्ताको रूपमा निर्देशक ढुङ्गेलले अब प्राधिकरणका आधिकारिक धारणा सार्वजनिक गर्ने, सूचना प्रवाह गर्ने तथा सञ्चार माध्यमसँग समन्वय गर्ने जिम्मेवारी सम्हाल्नेछिन्।

प्रकाशित मिति: सोमबार, फागुन ११, २०८२ १६:१५