भारतमा चार्टर्ड एयर एम्बुलेन्स दुर्घटना, मृत्यु हुनेको संख्या ७ पुग्यो

अन्तर्राष्ट्रिय

गृहपृष्ठ
अन्तर्राष्ट्रिय

भारतमा चार्टर्ड एयर एम्बुलेन्स दुर्घटना, मृत्यु हुनेको संख्या ७ पुग्यो

क्यापिटल नेपाल मंगलबार, फागुन १२, २०८२

काठमाडौं। भारतको झारखण्डमा चार्टर्ड एयर एम्बुलेन्स दुर्घटना हुँदा मृत्यु हुनेको संख्या सात पुगेको अधिकारीले बताएका छन्।नागरिक उड्डयन महानिर्देशनालय (डीजीसीए)ले मेडिकल निकासी (एयर एम्बुलेन्स) उडान सञ्चालन गर्ने बिचक्राफ्ट सी–९० सोमबार पूर्वी राज्य झारखण्डको कसारिया क्षेत्रमा दुर्घटना भएको पुष्टि गरेको हो।

उद्धार र चिकित्सा टोली दुर्घटना स्थलमा पुगेका छन् भने स्थानीय मिडियाले दुर्घटना स्थल दुर्गम जंगलभित्र रहेको जनाएका छन्। ‘डाक्टरको टोलीले उनीहरूलाई फेला पारी परीक्षण गरेर मृत घोषणा गरेको स्थानीय प्रशासनिक अधिकारी कीर्तिश्री जीले पत्रकारलाई बताए। उनका अनुसार मृत्यु हुने सात जना मध्ये दुई जना चालक दलका सदस्य थिए।

डीजीसीएले सोमबार राती रेडबर्ड एयरवेजद्वारा सञ्चालित विमानले मौसमका कारण सन्तुलन गुमाएको जानकारी गराएको २३ मिनेटपछि हवाई ट्राफिक राडारसँग सम्पर्क गुमाएको बताइएको छ।

भारतको विमान दुर्घटना अनुसन्धान ब्यूरोलाई अनुसन्धानका लागि घटनास्थलमा पठाइएको जनाइएको छ।–एजेन्सी

प्रकाशित मिति: मंगलबार, फागुन १२, २०८२ १३:४८

प्रतिक्रिया दिनुहोस्