नेपाललाई विश्व बैंकको ५ करोड २० लाख डलर ऋण, औद्योगिक प्रदूषण नियन्त्रणमा खर्चिइने

बैंकिङ

गृहपृष्ठ
बैंकिङ

नेपाललाई विश्व बैंकको ५ करोड २० लाख डलर ऋण, औद्योगिक प्रदूषण नियन्त्रणमा खर्चिइने नेपालका उद्योगलाई स्वच्छ उत्पादनमा जान प्रोत्साहन गर्ने

क्यापिटल नेपाल बुधबार, फागुन २७, २०८२

काठमाडौं। विश्व बैंकले नेपाललाई ५ करोड २० लाख डलर सहुलियतपूर्ण ऋण उपलव्ध गराउने भएको छ। विश्व बैंकको बोर्ड बैठकले नेपालमा वायु प्रदूषण घटाउन र वायु गुणस्तर व्यवस्थापन प्रणाली सुदृढ गर्न ५ करोड २० लाख अमेरिकी डलर (करिब ६ अर्ब ९० करोड नेपाली रुपैयाँ) बराबरको सहुलियतपूर्ण ऋण स्वीकृत गरेको हो।

‘नेपाल स्वच्छ वायु र समृद्धि परियोजना’नाम दिइएको यस कार्यक्रमले विशेषगरी औद्योगिक र व्यावसायिक क्षेत्रमा प्रयोग हुने बोयलर तथा भट्टीबाट निस्कने हानिकारक सूक्ष्म कणको उत्सर्जन कम गर्ने लक्ष्य राखेको छ। यो परियोजना मुख्यतया काठमाडौं उपत्यका, तराई र पहाडी फेदीका क्षेत्रमा केन्द्रित हुनेछ’, विश्व बैंकका माल्दिभ्स, नेपाल र श्रीलंकाका लागि डिभिजन निर्देशक डेभिड सिस्लेनले भने। परियोजना वायु प्रदूषण जोखिम उच्च रहेका स्थानमा लागू हुनेछ।

नेपालमा वायु प्रदूषणका कारण स्वास्थ्योपचार र उत्पादकत्वमा हुने ह्रासले कुल गार्हस्थ उत्पादनको ६ प्रतिशतभन्दा बढी हिस्सा ओगट्ने गरेको बैंकको भनाइ छ।

यो परियोजनाले नेपाली उद्योगलाई स्वच्छ उत्पादनतर्फ जान प्रोत्साहन गर्दै दीर्घकालीन दिगो विकासमा टेवा पुग्ने विश्वास बैंकको छ।

‘औद्योगिक उत्सर्जन आगामी वर्षमा वायु प्रदुषणको प्रमुख स्रोत बन्ने देखिएको छ । यो परियोजनाले नेपाली उद्योगलाई स्वच्छ उत्पादन तर्फ जान प्रोत्साहन गर्दै दीर्घकालीन दिगो विकासमा टेवा पुर्याउनेछ,’ माल्दिभ्स, नेपाल र श्रीलंकाका लागि डिभिजन निर्देशक डेभिड सिस्लेनले भने।

प्रकाशित मिति: बुधबार, फागुन २७, २०८२ ११:४८

प्रतिक्रिया दिनुहोस्