बिजुलीमा छुटैछुट, लकडाउन अवधिमा डिमाण्ड शुल्क नलिने

मुख्य समाचार

गृहपृष्ठ
मुख्य समाचार

बिजुलीमा छुटैछुट, लकडाउन अवधिमा डिमाण्ड शुल्क नलिने

क्यापिटल नेपालबिहीबार, जेठ १५, २०७७

काठमाडौं । सरकारले बिजुलीमा सहुलियत दिने घोषणा गरेको छ । आगामी आर्थिक वर्षदेखि घरायसी साना विद्युत उपभोक्तालाई मासिक १० युनिटसम्म खपत गर्नेलाई निःशुल्क दिने व्यवस्था बजेटमा गरिएको छ ।

यस्तै मासिक १५० युनिट खपत गर्नेलाई २५ प्रतिशत र २५० युनिटसम्म खपत गर्नेलाई १५ प्रतिशतका दरले महसुल छुट दिने भएको छ । यसैगरी खानेपानी र सिँचाइ उपभोक्ता समितिले तिर्नुपर्ने विद्युत डिमाण्ड शुल्क मिनाहा र विद्युत महसुलमा सहुलियत दिने व्यवस्था गरेको छ।

कोभिड १९ का कारण प्रभावित उत्पादनमूलक उद्योगहरूको लकडाउन अवधिभर विद्युतको डिमाण्ड शुल्क छुट दिने र माग कम हुने समयको विद्युत खपतमा ५० प्रतिशत छुट दिने प्रबन्ध मिलाएको अर्थमन्त्री डा. युवराज खतिवडाले बताए ।

प्रकाशित मिति: बिहीबार, जेठ १५, २०७७ २०:२९

प्रतिक्रिया दिनुहोस्