दोहोरो अंकले घट्यो नेप्से, ढुक्क भएनन् लगानीकर्ता

सेयर

गृहपृष्ठ
सेयर

दोहोरो अंकले घट्यो नेप्से, ढुक्क भएनन् लगानीकर्ता

क्यापिटल नेपाल बिहीबार, जेठ ७, २०८३

काठमाडौं। बुधबार हरियाली छाएको सेयर बजार सूचक आज भने राताम्य बनेको छ। बिहीबार सेयर बजार दोहोरो अंकले घटेको हो।

बिहीबार नेपाल स्टक एक्सचेन्ज (नेप्से) परिसूचक १२ दशमलव ३६ अंकले घटेर २,७४२ को बिन्दुमा समेटिएको छ। आज ३४८ कम्पनीको ८९ लाख ५५ हजार ५४५ कित्ता सेयर खरिदबिक्री हुँदा ३ अर्ब ८९ करोड बढीको कारोबार भएको छ।

आज ७२ कम्पनीको सेयर मूल्य बढेको छ भने १८८ वटाको घटेको छ। बिहीबार सबैभन्दा धेरै आँखुखोला जलविद्युतको सेयर कारोबार भएको छ। कम्पनीको १७ करोड ७२ लाख रुपैयाँको सेयर कारोबार भएको हो। रिडी पावरको १५ करोड ७ लाखको सेयर कारोबार भएको छ। बुंगल हाइड्रोको १३ करोड ५९ लाख रुपैयाँको सेयर कारोबार भएको छ।

एनआरएनको १३ करोड ३९ लाख रुपैयाँको सेयर कारोबार भएको छ। आज सबैभन्दा धेरै प्रभु बैंक डिबेन्चरका इकाइधनीले कमाएका छन्। सबैभन्दा धेरै अपर लोहरे खोलाका लगानीकर्ताले गुमाएका छन्।

बजेट आउन करिब एक साता मात्र बाँकी रहँदा लगानीकर्तामा बढेको अन्योलले बजारमा दबाब सिर्जना गरेको देखिन्छ। नीतिगत स्पष्टता नहुँदा बजारले स्थिर दिशा समात्न सकेको छैन।

पछिल्ला केही दिनको उतारचढावबीच हिजो देखिएको सुधार एक दिन पनि टिक्न सकेन। अघिल्लो दिनको हरियाली फेरि बिक्री चापमा परिणत हुँदा बजार सूचक पुनः घटेको हो।

प्रकाशित मिति: बिहीबार, जेठ ७, २०८३ १५:३३

प्रतिक्रिया दिनुहोस्