प्रतिनिधिसभा बैठक बस्दै, पर्यटन विधेयक प्रस्तावको कार्यसूची

राजनीति

गृहपृष्ठ
राजनीति

प्रतिनिधिसभा बैठक बस्दै, पर्यटन विधेयक प्रस्तावको कार्यसूची

क्यापिटल नेपाल मंगलबार, जेठ १२, २०८३

काठमाडौं।प्रतिनिधिसभाको बैठक आज बिहान ११ः०० बजे बस्दै छ।

संघीय संसद् सचिवालयका अनुसार बैठकमा संस्कृति, पर्यटन तथा नागरिक उड्डयनमन्त्री खडकराज पौडेलले ‘पर्यटन विधेयक, २०८१’ माथि विचार गरियोस् भन्ने प्रस्ताव प्रस्तुत गर्ने सम्भावित कार्यसूची छ।

साथै बैठकमा प्रधानमन्त्री वालेन्द्र शाहका तर्फबाट कानुन, न्याय तथा संसदीय मामिलामन्त्री सोविता गौतमले ‘राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१ लाई दफाबार छलफलका लागि सम्बन्धित समितिमा पठाइयोस् भन्ने प्रस्ताव प्रस्तुत गर्नेछन्।

बैठकमा ‘प्रतिनिधिसभा सदस्य निर्वाचन (पहिलो संशोधन) विधेयक, २०८३, तथा ‘मतदाता नामावली (पहिलो संशोधन) विधेयक, २०८३’ माथिको दफाबार छलफल तथा पारित गरियोस् भन्ने प्रस्तावसमेत प्रस्तुत गरिने संसद् सचिवालयले जनाएको छ।

प्रकाशित मिति: मंगलबार, जेठ १२, २०८३ ०६:०८

प्रतिक्रिया दिनुहोस्