साताभर १८ हजार ४०० रुपैयाँले बढ्यो सुन, बजेट भाषणले बढायो मूल्य

कर्पोरेट बजार

गृहपृष्ठ
कर्पोरेट बजार

साताभर १८ हजार ४०० रुपैयाँले बढ्यो सुन, बजेट भाषणले बढायो मूल्य

क्यापिटल नेपाल शनिबार, जेठ २३, २०८३

काठमाडौं। यो साताभर छापावाल सुुनको मूल्य १८ हजार ४०० रुपैयाँले बढेको नेपाल सुनचाँदी व्यवसायी महासंघले जनाएको छ।

सरकारले आगामी आर्थिक वर्ष २०८३÷८४ को बजेट सार्वजनिक गर्ने दिन नेपाली बजारमा छापावाल सुन प्रतितोला २ लाख ९० हजार ६०० रुपैयाँमा कारोबार भएको थियो।

तर, जेठ २२ गते शुक्रबार सुनको मूल्य १८ हजार ४०० रुपैयाँले बढेको हो। बजेट भाषणपछि एकै दिन जेठ १७ गते आइतबार सुनको मूल्य २० हजार ५०० रुपैयाँ बढेर प्रतितोला ३ लाख ११ हजार १०० रुपैयाँमा खरिदबिक्री भएको थियो।

जेठ १८ गते सोमबार प्रतितोला २०० रुपैयाँले सुनको मूल्य घटेर सुन ३ लाख १० हजार ९०० रुपैयाँमा किनबेच भएको थियो।

त्यस्तै, जेठ १९ गते मंगलबार ४०० रुपैयाँले बढेर सुनको मूल्य प्रतितोला ३ लाख ११ हजार ३०० रुपैयाँमा कारोबार भएको थियो। यस्तै, जेठ २० मा सुनको मूल्य स्थिर रह्यो।

जेठ २१ मा सुनको मूल्य २०० रुपैयाँले घटेर ३ लाख ११ हजार १०० रुपैयाँ प्रतितोलामा कारोबार भएको थियो। जेठ २२ गते शुक्रबार २ हजार १०० रुपैँयाले घटेर उक्त दिन ३ लाख ९ हजार रुपैयाँमा कारोबार भएको थियो। बजेट भाषणपछि सुनको मूल्यवृद्धि भएको हो।

प्रकाशित मिति: शनिबार, जेठ २३, २०८३ ०७:०९

प्रतिक्रिया दिनुहोस्