मुकेश अम्बानीद्वारा ‘जियो’को प्राथमिक सार्वजनिक निष्कासनको घोषणा

अन्तर्राष्ट्रिय

गृहपृष्ठ
अन्तर्राष्ट्रिय

मुकेश अम्बानीद्वारा ‘जियो’को प्राथमिक सार्वजनिक निष्कासनको घोषणा

क्यापिटल नेपाल शुक्रबार, असार ५, २०८३

काठमाडौं। रिलायन्स इन्डस्ट्रिज लिमिटेडका अध्यक्ष तथा प्रबन्ध निर्देशक मुकेश अम्बानीले शुक्रबार कम्पनीको ४९औँ वार्षिक साधारण सभालाई सम्बोधन गर्दै डिजिटल सेवा कम्पनी ‘जियो प्लेटफर्म्स’ को प्राथमिक सार्वजनिक निष्कासन प्रक्रिया अघि बढाइएको जानकारी दिएका छन्।

उनले जियो प्लेटफर्म्सले शुक्रबार नै धितोपत्र बजार नियमन गर्ने भारतीय निकायसमक्ष प्रारम्भिक विवरणपत्र पेश गर्ने बताए।

रिलायन्स इन्डस्ट्रिजले सामाजिक सञ्जालमार्फत सार्वजनिक गरेको वक्तव्यअनुसार, “जियो प्लेटफर्म्सको सञ्चालक समितिले कम्पनीको प्रारम्भिक विवरणपत्र स्वीकृत गरिसकेको छ र आज नै नियामक निकायमा पेश गरिनेछ। यो मेरो, सम्पूर्ण रिलायन्स परिवार र यसका लाखौँ शेयरधनीका लागि अत्यन्त भावनात्मक क्षण हो।”

वक्तव्यमा थप भनिएको छ, “रिलायन्स र यसका शेयरधनीबीचको सम्बन्ध गौरव, विश्वास, सम्मान र साझा प्रगतिमा आधारित गहिरो तथा पवित्र सम्बन्ध हो।”

प्रकाशित मिति: शुक्रबार, असार ५, २०८३ १६:०५

प्रतिक्रिया दिनुहोस्