रास्वपा महाधिवेशनमा सुरु भयो उद्घाटन सत्र

राजनीति

गृहपृष्ठ
राजनीति

रास्वपा महाधिवेशनमा सुरु भयो उद्घाटन सत्र

क्यापिटल नेपाल आइतबार, असार ७, २०८३

काठमाडौं। चितवनको भरतपुरमा राष्ट्रिय स्वतन्त्र पार्टी (रास्वपा)को पहिलो महाधिवेशनको उद्घाटन सत्र सुरु भएको छ। महाधिवेशनको उद्घाटन सत्र महामन्त्री कविन्द्र बुर्लाकोटीले सञ्चालन गरेका छन्।

उद्घाटन सत्रमा सहभागी हुन पार्टी सभापति रवि लामिछाने, प्रधानमन्त्रीसमेत रहेका वरिष्ठ नेता बालेन शाह, देशमा रहेका अधिकांश दलका प्रतिनिधि, महाधिवेशन प्रतिनिधिलगायत शुभचिन्तक र पार्टी कार्यकर्ताहरू बाक्लो संख्यामा उपस्थित भएका छन्।

नेपाली कांग्रेसका सभापति गगनकुमार थापा, नेकपा एमालेका नेता प्रदीपकुमार ज्ञवाली, नेपाली कम्युनिष्ट पार्टीका नेता वर्षमान पुन, राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देन उद्घाटन समारोहमा सहभागी भएका छन्।

त्यस्तै, पूर्वप्रधानमन्त्री डा. बाबुराम भट्टराई, जनता समाजवादी पार्टीका अध्यक्ष उपेन्द्र यादव, जनमत पार्टीका अध्यक्ष चन्द्रकान्त राउतलगायतका नेताहरु उद्घाटन समारोहमा सहभागी छन्।