सरकारले सुरु गर्यो सवारीमा इम्बोस्ड नम्बर प्लेट जडान, सवै प्रदेशमा पुर्याइने

मुख्य समाचार

गृहपृष्ठ
मुख्य समाचार

सरकारले सुरु गर्यो सवारीमा इम्बोस्ड नम्बर प्लेट जडान, सवै प्रदेशमा पुर्याइने

क्यापिटल नेपालशुक्रबार, साउन ९, २०७७

काठमाडौं । सरकारले सार्वजनिक र निजी सवारीमा इम्बोस्ड नम्बर प्लेट जडान कार्य सुरु गरेको छ । यातायात व्यवस्था विभागले टेकुस्थित सवारी प्रदुषण कार्यालयमा इम्बोस्ट नम्बर जडान कार्यको औपचारीक सुरुवात गरेको हो ।

त्यस्तै, बामगती प्रदेशमा नै सवारीमा घुम्ती प्रदुषण जाँच समेत सुरु गरेको छ । विभागले दुई ओटा भ्यानसहित बढी प्रदुषण गर्ने सवारीलाई तत्काल सडकमै पुगेर जाँच गर्न सघुम्ती प्रदुषण सवारी जाँच सुरु गरेको हो ।

शुक्र बार भौतिक पूर्वाधार तथा यातायात मन्त्री बसन्त कुमार नेम्वाङ्वाङ र बागमती प्रदेशका भौतिक पूर्वाधार विकास मन्त्री रामेश्वर फुयालले संयुक्त रुपमा दूई ओटा भ्यान सहित घुम्ती सवारी प्रदूषणको उद्घाटन गरेका थिए ।

कार्यक्रम उद्घाटन गर्दै मन्त्री नेम्वाङ्ले बढी प्रदूषण गर्ने,नियम नमान्ने सवारीसाधनलाई तत्काल चेकजाँच गरी कारवाहीको प्रक्रिया अघि बढाउन निर्देशन दिए । उनले डेढ बर्षभित्र देशभर रहेका सबै सवारीसाधनमा इम्बोस्ट नम्बर प्लेट जडान गरिसक्ने समेत बताए ।

त्यस्तै यातायात व्यवस्था विभागका महानिर्देशक गोगन कुमार हमालले बाग्मती प्रदेश सहित सुदूरपश्चिम, कर्णाली र गण्डकी प्रदेशमा पनि इम्बोस्ड प्लेट जडानको काम सुरु गर्ने तयारी गरिएको बताए । उनले घुम्ती सवारी प्रदूषण जाँचको लागी अवश्यक रुटिन बनाएरै अघि बढिने उनको भनाई छ ।