पानीमा कार्टेलिङ गरी मुल्य वृद्धि गरेको भन्दै छानबीनका लागि समितिमा उजुरी

मुख्य समाचार

गृहपृष्ठ
मुख्य समाचार

पानीमा कार्टेलिङ गरी मुल्य वृद्धि गरेको भन्दै छानबीनका लागि समितिमा उजुरी

क्यापिटल नेपालबुधबार, साउन २८, २०७७

काठमाडौं । पानीमा कार्टेलिङ गरी मुल्य वृद्धि गरेको बिषयमा छानबी गरी कारबाही गर्न माग गर्दै कानुन, न्याय तथा सामाजिक कल्याण मञ्चले संसदको उद्योग तथा वाणिज्य तथा श्रम तथा उपभोक्ता हित समितिमा उजुरी दर्ता गरेका छन् ।

उपभोक्ताको ढाड सेक्ने गरी वाणिज्य, आपूर्ति तथा उपभोक्ता हित विभागले भदौ १० गतेदेखि लागू हुने गरी एक जार पिउने पानीको अधिकतम खुद्रा मुल्य(एमआरपी) ५० रुपैयाँ तोकेको भन्दै मञ्चले उजुरी दर्ता गरेको हो । सरकारले प्रतिजारको एमआरपी ५० तोकेपछि व्यापारीले स्वतः मुल्य बढाउने र उपभोक्ता मर्कामा पर्ने भएपछि यसतर्फ समितिले आवश्यक छानबीन र कारबाही अघि बढाउन आग्रह गरिएको छ ।

‘जब उपभोक्ताले ३५ देखि ४० रुपैयाँमा प्रतिजार पिउने पानी किन्दै आएका थिए । त्यसमाथि बजारमा जारको पिउने पानी बिच प्रतिष्पर्धा थियो । मुल्य अझै घट्न सक्ने सम्भावना थियो । बजारमा प्रतिष्पर्धा बढेसँगै मुल्य घट्न स्वभाविक हो । तर, यहि बेला सरकार आफैले पानीको मुल्य बढाइदिएपछि उपभोक्ता महंगीको मारमा पर्दैछन्’ समितिमा दर्ता भएको उजुरी पत्रमा भनिएको छ ।

प्रतिष्पर्धी बजारमा उपभोक्ताले कम मुल्यमा पानीको उपभोग गर्न पाउनुपर्नेमा पानी व्यापारीको निजी स्वार्थमा सरकारले पानीको मुल्य बढाएर आम उपभोक्ता माथि खेलवाड गरेको निष्पक्ष छानबीन गर्न समितिमा उजुरी गरेको मञ्चका अध्यक्ष जगन्नाथ मिश्रले बताए ।

‘नेपाल बोटलर्स वाटर एशोसिएसन समेतको मिलेमतोमा उद्योग, वाणिज्य तथा उपभोक्ता संरक्षण विभागले वृद्धि गरेको मुल्य सम्वन्धमा तहाँबाट संसदीय छानबीन गरी दोषी उपर कारबाही समे गरी पाउँ’ उजुरी पत्रमा अनुरोध गरिएको छ ।